بيني وبين أختي سنه علاقتنا مو ثابته أحياناً قلوبنا على بعض أحياناً نتزاعل

هي الكبيره تزوجت من سنه تقريباً عمرها 22
وهي مره متعلقة بزوجها لدرجة أنها أحياناً يمر أسبوع ما تزورنا

وهذا السبب في الزعل بيننا لأَنِّي ما أكلمها وألومها وأنها نستي بعد ما تزوجت

وهي تزعل مني لأني أكره زوجها وأحياناً أستخف فيه قدامها ولأنه صغير بالسن عمره 24



قبل ايام كان زوجها بيطلع لشغله وعلى كلامها بيرجع متأخر فليل فطلبت مني أزورها في بيتها أقضي وقت معها لأَنِّ أمي وأبوي بيطلعون

وصلوني أهلي عندها طلبت مني أجي معها المطبخ وهي تسوي القهوه نسولف

فطلبت منها وقت السوالف أستعير منها كنزتها الشتويه عاجبتني لان لونها أحمر اشترتها لما رجعت من السفر من أسبوع

سمحت لي أدخل غرفة النوم رحت غرفتها وطلعت الكنزه لبستها أشوف شكلي فيها جذبتني تسريحتها من عطور ومكياج

جربت من الأرواج وتعطرت وانا أطالع ذهبها في الدرج الا زوجها ضمني من ورا ويقول : الحلو أيش يدور

مسكت نفسي وقتها ولا صرخت ضربت يدينه وطلعت بسرعه من الغرفه ورجعت الصاله وانا ميته رعب وخجل خفت اختي تحس بشي لكن الحمد الله ما حست

سمعتها تسأله ليه رجع فجأه على كلامه ناسي بطاقة الشغل ورجع لها وكان يرد عليها وهو معصب

ولاني نفس طول شعر اختي ونفس الصبغه تقريباً ونفس الجسم

من ورا أشبه لها توقع أني زوجته



أنا منحرجه منه أكيد تضايق لأَنِّي دخلت غرفتهم و الخوف انه يعلم أختي على ألي صار وتتوتر العلاقه بينا ويعرفون أمي وأبوي بالي صار






وقتها