تلاحقني ذنوبي يا قلب يا مهموم
وأنا خايف على الباقي من الأيام
••
في حشرجة صوتي سما و غيوم
و بتنهيدة الصدر شاعر و رسام
••
يا سنين العمر هذا العمر مايدوم
نبي نعمر مساجد ونكفل الأيتام
••
محتاج لي صاحب يسندني وأقوم
قبل تمضي أعوامي عام ورى عام
••
بتنفس الواقع و أرضى بالمقسوم
لايضيع عمري في فراغات وأحلام
••
لاغرقرت روحي والصدر صار مكتوم
وبرد دمي و التفت فيني العظام
••
و قبري لاهلت تربته وصار مردوم
وأصبحت في جوفه أصارع الآثام
••
يا الله سامحني يا ربي يا قيوم
يا واسع الملك ياللي بالخفا علّام
••
كل يوم يمر ينقص من العمر يوم
يا الله ثبتني على دين الإسلام
••
يا ذنبي خليتك ويا قلبي المهموم
بطوي ذنوبي قبل تطويني الأيام
••