رحلتي والفرح ولا ودمعي ينسكب...... امطار
الا يالذي غبيتي عن الانظار......... مشكوره
رحلتي والعنا والضيق بعد غيبتك لي تذكار
وروحي اه من روحي بعد فرقاك..... *مكسوره
تراك انتي ولا غيرك اذا غبتي عن ..الانظار
اعوف الناس والعالم وعوف الشعر.... وبحوره
انا من كثر مشتاقك تراها تشتعل بي....... نار
وشوقي زاد عن حده تخطى بابه .......وسوره
الا ليت الزمن يرجع وتجمع بيننا .....الاقدار
وايام الغلا ترجع ويشرق بيننا.............. نوره
تذكرين الكتاب الي عطيتك يوم كنا.. صغار
كتبت اسمك بطياته واسمي داخل.... سطوره
تعاهدنا اننا نبقى سويه طيلة......... الاعمار
ولاتقدر تفرقنا سنين العمر............. ودهوره
انا ماكنت متوقع تناسين الذي قد .........صار
قليلي ويش ذي غيرك وغير رايك...... وشوره
بعد هالعمر ياقلبي وصلنا لاخر .......المشوار
ختمنا حبنا بفراق وصغنا اخر .........سطوره