ياهدهد سليمان وصل سلامي
للي غلاها قد عبر.. للحشايا

للعابره ينزان كل .....الكلامي
حتى الشعور وهاجسي والحكايا

عرفتها من نبرة الصوت شامي
احلام من مثلك بكل الحلايا

تراني هالليله للاشعار ظامي
وانتي الذي يابنت جيتي معايا

اسمك ترى نور لي كل الظلامي
لامني سطرته براحة يدايا

وعدتك اكتب فيك اجمل نظامي
عطيتك وعودي وهذا وفايا

ياعابره الاحلام زوري منامي
مري بدمي واسكني في الخلايا

ياضبي رامه يالهنوف التهامي
اغليك مهما قالو عنك الوشايا

لان غلاتك ساكنه في عظامي
وستوطنت ذكراك وسط الحنايا

اشوف ورد الخد حمرته دامي
واذوب انا في شفّتك والثنايا

عفوا على الاحراج يابنت دامي
عطيتك الاخبار قبل البدايا

وسلامتكم
الشاعر ابوالليل الشريف