يا نجم ضاوي عجل واسرج لنا الخيل
عجل وهات الصافنات ......... المهارا
واختر لي منها صافن ن تكسر . الذيل
سبيبها يشبه جديل ........... العذارى
نبي عليها غارة ن كنها .......... السيل
موجه سريع ولا يرده ............. منارا
نبي ندور صاحب يمة .......... اسهيل
شبل الوصابي من نواحي ....... ذمارا
الصاحب اللي سابنا وامتطى ... الليل
سرن به الخفرات بليل .......... ونهارا
خلن دموعه منهن مثل ....... الهماليل
سالت على الخدين سيل ن ... تجارى
ومن حبهن ياما وقع فاقد ..... الحيل
وغدت حياته من هواهن ....... دمارا
لكنه ذيب ن ما خسر داعج .... الميل
صبر الياما جاء معاها ........... يتبارا
يستاهل الفزعة ومدح .... الرجاجيل
اللي حماها من يمين ......... ويسارا
واليانتشى بالقاف ينثر لنا ..... القيل
مثل الدرر سطر الحكمة ....... شعارا
هو اليماني شبل اسود .... المشاكيل
وهو الشريف الهاشمي له ...... وقارا
القارظ العنزي