رفوف التسوق منتديات قربك محال كلام جميل خلفيات ايفون


يوجد في المنتدى "صندوق محادثات" نشط لدردشة والتعارف المباشر بين الأعضاء لن يستطيع العضو مشاهدته إلا بعد عدد معين من المشاركات كلمة الإداره

إضافة رد
قديم 01-14-17, 11:18 AM   #1 (permalink)
ماجد22

الصورة الرمزية ماجد22

المكان »  العراق بغداد
الهوايه »  الكتابة والشعر
متجر فكره

 الأوسمة و جوائز

افتراضي مو كلمن فتحلك بابه يهواك





أولاً
مو كلها أصدقاء التمشي وياك
ثق حتى بأخوتك تلكه عدوان
يصح مرات بيك لسانك يكون
وعمر يمكن تخسرك زلة لسان
لاتامن درب ما ساحكه جدام
على دروب الامانه تشوف نيشان
وليغرك حسن حلوة الفراشات
ولكن بس تلزمها تبيع الالوان
ولتغرك جبال مناطحه الغيم
لاخير بجبل يطغي على وديان
يعجبني البخور يعيش بالموت
يثبت طيبته شما ينطي دخان
ويعجبني الجرف لو زاعل الماي
يتفطر صبر ما كال عطشان
تره خطية الجكَارة تضحي بالروح
وعكَب ماتحترك نشمرها طغيان
الذيابه أهل الغدر سموهم الناس
وعليهم بالغدر ماعندي برهان
منو فينا الضحية الماكله الذيب
أحنا إنسان صاير ياكل إنسان
ذكية النار عاشت رافعه الراس
تحرك ماتجامل كان من كان
وأهي الشي الوحيد الماخسر يوم
لان مافضلت تمشي وي صحبان
ليش الغيم يفتر ما أله مجان
وخلص رحال عمره وما أله مجان
لان يدري الحمم تبدي من الأطراف
ولهذا السبب ماراد جيران
تمسكت شكثر بصحاب الي هواي
بكثر تضحيتي الهم هسه ندمان
لهات انه وتبينو صحبتي الموس
أثاري انه خسرت والموس ربحان
غيرالموت كَلي شيعزف السيف؟
وجعلت الاله نحري ورايد الحان
شتسمع من لحني ياصاحبي شبيك؟
تخيل سيف يعزفله على شريان
بعد ماصير حنه اثبت بالجفوف
لأن من سوء حظي الحطني فرحان
وتخيل كيف يمه وصفكَته شلون
وعليّ صفكَاته كلهن نفس المكان
راح من الصخر أنحت لي دلال
وأكفن كَلبي واتعنى على دفان
وأكَله تبدلت كل الموازين
السفينه يصير تمشي بدون قبطان
وأكَله تبدلت كل الموازين
الدليل الناي يحجي وما اله لسان
وأكَله تبدلت كل الموازين
مريم ما طلع والدها عمران

وأكَله العنده غيره الافضل يموت
لان كلش جريمه تغلبه غمان
ثانياً

مو كلمن فتحلك بابه يهواك
ولا كلمن يكرهك بابه ينسد
أكو مسدود بابه وكَلبه مفتوح
وأكو مفتوح بابه أو كَلبه أسود
أذا طشيت صحبانك على الماي
أثكلهم وفه جواك يركد
وخففهم يضل طافح على راي
يروح وي الجزر ويرجعه المد
أذا تحتار سافر تعرف الناس
منو أيهد القطار أو يوكَف أزيد
أكو أشده بحبل ويكَطعه ويروح
وأكو بكل الشرف علسچه ينشد
وأكو أمشيه قطارك عينه تحتار
أو باللحظه الأخيرة أوياك يصعد
وأكو أيشيل المحطه وي القطارات
ويدكَه على كَلبه أو صدره ينسد
فرق بين اليعبدك بالمحطات
وفرق بين البنالك أبكَلبه معبد
لا تأمن بشر من طينه مخلوق
بس أربع طعش طينه الجد
موكلمن ضحكاك منه ترتاح
ترى ناب الضبع كل ضحكه تنحد
ولا تحقد على كلمن يبجيك
أذا دمعك طفح صدكَني تبرد
البشر دله ويفور بداخله الضيم
وأذا يطفح دمع نيرانه تخمد
ولا تحقد على صعدوا بالجناح
معروف الصكَر لو جنحه ينشد
وموكلمن نزل يسمى مذلول
ولا كلمن صعد يسمى أمجد
أكو صاعد رغم ماهو عالكَاع
وأكو نازل يضل لو قمة يصعد
وأذا عندك جبل خلهم يصعدون
فرق بين الصعد وراد يصعد
أكو أيهده الجبل لو هد الجفوف
وأكو أيهد الجبل لو جفه ينهد

تحيتي لكم



 

حتى لا تقع أسير القائمه السوداء إضغط هنا



Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 01-15-17, 08:54 AM   #2 (permalink)
Sinbad

الصورة الرمزية Sinbad

متجر فكره

 الأوسمة و جوائز

افتراضي



كلمات رائعة سلمت يمناك


 

حتى لا تقع أسير القائمه السوداء إضغط هنا



Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 01-15-17, 01:19 PM   #3 (permalink)
ماجد22

الصورة الرمزية ماجد22

المكان »  العراق بغداد
الهوايه »  الكتابة والشعر
متجر فكره

 الأوسمة و جوائز

افتراضي



يحلق قلب ماجد فرحاً
كلما رأى كلمات ككلماتكم
فكل الشكر لسموكم
أسعدني تواجدكم بصدق
وحار بي القلم
كيف يمكن شكر كم
لكم من الشكر والثناء ماترتضيه أنفسكم وأكثر
دمتم بكل خير


 

حتى لا تقع أسير القائمه السوداء إضغط هنا



Digg this Post!Add Post to del.icio.usBookmark Post in TechnoratiFurl this Post!
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



| أصدقاء منتدى مسك الغلا |

" سبحان الله وبحمده سبحان الله العظيم "

Bookmark and Share

RSS RSS 2.0 XML MAP HTML

الساعة الآن 09:06 PM.


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO 3.3.0 RC2 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغ ـلا
This Forum used Arshfny Mod by islam servant