يمرّني عند الفجر عصفور
من غير صوت .. يمر سكّاتي

واقف على غصن الرجا مكسور
ما كنّه إلّا بعض عبراتي

حزين ... لكنّي بعد مغرور
متواضع إلّا في تلفّاتي

تلدغني الساعه بدون شعور
وتسلبني الأجمل من أوقاتي

بين إرتياب الصمت والجمهور
ضيعتني ما بين وقفاتي

لكن رجاي بصبحي المغمور
يشرق عليْ وأهديه جيّاتي

تعال لا تاقف وراء السور
شرّعت لك بيبان هقواتي

إي والله إنّي بك كثير قصور
يا ليت تشفع لي صباحاتي

هذا انا مرّت ثلاث شهور
غريب عن نفسي وعن ذاتي

أفك ازارير الحكي وآثور
على الظلام اللي كسا ابياتي

عتيم لكنّي حبيب النور
فتحت له شبّاك رغباتي

معاك أحسّ انّي أجي مسرور
يالحاضر الماضي ويالآتي

يكفي تقول مسامح ومعذور
ويكفي اقول إنّك تلفّاتي


عتيم

لِيْه أحس الوقت يمشي بي ثقيل
والسَّهَل قدام خطواتي قمم


ضايقٍ صدري ولا للنَّفْس حيل
كُل ما حولي أحس إنه وهم


مال بي اللي ولا عمره يميل
حار في يدي عن الجري القلم


واليراع اللي مداده سلسبيل
أصبح يغني على بحر الألم


ليه يا دنيا توزين الجميل
وتنصفين الظالم من اللي ظُلِم


أدري والله ما لدنيانا خليل
الوفي ترميه بأنواع التُهم


عمرها والله ما تشفي الغليل
مهما شاف العبد فيها من نعم


ظلها ما هوب للقايل مقيل
وملكها زايل ولا فيها عشم



سُهيل

لا تتعب القلب .. خل القلب في حاله
إن كان قُربك شقاي .. أرجوك فارقني


من يرغب الهجر .. ماني طالب "اوصاله "
لا القرب يفْرِح .. ولا بُعده يضايقني


سُهيل

من ركن للهم تاليته خبال
ومن تملل من حياته ملَّها

الشاعر الفذ: سهيل قصيدة فلها .

رائع جدا جدا

تركت اللي وسط صدري بلا تبرير
تغاضيت ونسيت النار وقاده


سريته و ابتدأ حلم الليالي يصير
عرفت أن الليالي صمتها عباده !!


دخيلك يكفي ما فيني و فيني كثير
انا أول من لقى حتفه بميلاده !!

للوله
بـ أحلامه الخجلى
نص رائع

ما ودّي آصرّح .. ولا انكّس اعلام
صديت من باب الادب والف خيره

لو تخدعون العين وتضيق الانسام
في ذمتي ما تخدعون البصيره

انا كتبت الشعر مِن كنتم اقزام
وقبل إن اصابعكم تقلّد صريره

ولا زلت فارق ماني بضمن الارقام
يا زحمة الشعّار فوق الجزيره

قصيدتي تبقى على راس الإلهام
الاولّه ..... والثانيه ... والاخيره


...
كيف لهكذا نصوص
أن تكون عابرة
الشعر والجمهور
يقف لـ عظمة هالاديب
المتفرد
وشكراً بـ إمتداد مساحات
الحياة
لمشاركتنا هكذا رائعة