01-18-20, 03:10 PM
| #1 | ||||||||||||||
 
| 
طيف نوره /حصريه للمسك يالله يامعبود يارازق الطير ياعالم بضيق الفؤاد وكدوره اسألك يارحمن فك التعاسير خارجنا من كربة زمنا وجوره البارحه وجيوش همي طوابير جتني تهد جدار قلبي وسوره تظرب بسيفٍ كنها سالم الزير من فوق خيلٍ للحرايب غيوره امسيت في راسي تقلب تفاكير واشوف في عيني للاحباب صوره امسيت ودموع عيني محادير اكتب ودمع العين يمحي سطوره اتذكر المحبوب سيد الغنادير وتشب من فرقاه في الجوف ثوره كنا سوى الاثنين مير المقادير خذتها واضحت في التراب مقبوره ياليت عمري دونها وقف السير ماكان ذقت المر من فقد نوره ياصاحبي في ذا الزمن مابقى خير الشر في شيبانهم والبزوره ياخوي اضحو كلبوهم جبابير مايعرفون الجار ولا المجوره ولا زمان اهل الكرم ساعة الضير اهل الفعول النايفات الجسوره خوة وفى ماتنشرا بالدنانير مثل خوة الشلقان تجبر كسوره ترا الرجال افعال ماهي مظاهير ولا الردي ماهمه الا ظهوره اللي تزين بالحلل والمغاتير وهو داخله ريح النتانه بخوره يالله يامرسل سحايب مماطير اسقي فؤادن ذابلاتن زهوره هات الرفيق اللي يجيب التباشير كم لليماني منتظرله يزوره بقلمي ابوالليل الشريف 17/1/2020 حصريه لمنتديات مسك الغلا | ||||||||||||||
| |
| مواقع النشر (المفضلة) |
| |
 | أصدقاء منتدى مسك الغلا | | |||||
