|
سبق وقلت لك اعطي لزوجك مساحة ولنفسك مساحة اتنفسي وخليه يتنفس يابت الحلال بلاش تقعدي على كبده لكن واضح انك انسانة متملكة وحابة زوجك يعتبرك مركز الكون انت شايفة ان الرجل او زوج مركز الكون وانت موجودة حتى تتزوجي وتعيشي الرومانسية سيصدمك الواقع ان الزواج مسؤولية ويحتاج لطولة البال واهم شيء رجاحة العقل عقلك متبرمج على التملك والشك انت متاكدة انه يحبك ويمكن قالها لك مرارا وتكرارا حتى مل من قولها ومع ذلك انت للان راكبك الشك من ساسك لراسك وسبق وقلت لك الشك دايما يخرب حياة الناس وانت ناوية تخربي عشك قبل ما تبنيه لا تساليه اذا تزوجك حتى ينسى وحدة قبلك لا تحطي نفسك في موقف محرج يقلل منك ومن قيمتك هو اختارك لتكوني زوجته يبقى انتهى الموضوع ساكون معك صريحة من خلال كلامك واضح انك انسانة ينقصك النضوج ولو قرر زوجك ينفصل عنك بسبب خفة عقلك لا تلومي الا نفسك الله يرزقك رزانة العقل |
ماقصروا الاعضاء بالرد لكن انا مستغربه ليش انتي تتغزلين فيه كثير وليه طالبينه بكلام حلو دايم طيب انتي رومنسيه وعندك احلامك ومن هالكلام افضل البنت تكون ثقيله شوي حتى وانكم متملكين من سنين مع اني اشوفها غلط بغلط ان الملكه تطول لكن حصل اللي حصل وانتهى لاتضغطين عليه مو شي حلو انك كل شي تبينه على كيفك كذا مع الوقت راح يمل منك ويكرهك يشوفك حنانه وبس تتشكين وتتذمرين والوضع الحين طبيعي يكون الواحد متملل وطفشان وماله خلق لااحد خفي عليه قللي تواصل معه لاحقه ع التواصل لاتخلينه يمل منك قبل العرس وافضل انك تقرين كتاب الرجال من المريخ والنساء من الزهره راح يفيدك كثير وتحيتي لك:MonTaseR_197: |
مااقدر ازيد على كلام الاعضاء بس حبيت اقلك اختي مافي شيء اسمه طفشتوا من بعض انتوا لما وافقتوا على بعض كنت عارفين انكم رح تبقوا مع بعض طول العمر يعني مو سنين بعدين تطفشوا بعدين انتي بعظمة لسانك قلتي انه طيوب مو ضروري الكلام والحكي ترا اهم شي الاحترام ثم يجي الحب اذا هو محترمك مايحق لك تعترضي بادليه الاحترام وبلا حب بلا هم تقبلي مروري تحياتي:111: |
حبيبتي بعطيك ياها من الآخر غلطك أنك أنت تخيلتي و حطي خطين ع هالكلمه اييييه غلطك أنك تخيلتي هو رجال و بطبيعته تختلف كليا عنك انت المرأه ماتقدري تغيريه الا اذا غيرتي نفسك و عطيتي نفسك مجال تفهميه أكثر .. معروف أن المرأه عاطفيه و الرجل عملي و هذا اللي يكملهم مع بعض كل واحد يكمل الثاني لاتتخيلي وتحلمي شي و تزعلي اذا ماصار لان هذا خييااالك أنت هو مايدري عنه ولا يقدر يدخل افكارك و تخيلاتك ويفهم وش تبي لازم تتقبليه اوول خططوه و تبتدي أنتي تعودي نفسك على اسلوبه و طريقة حياته و تندمج فيها بتلاقي نفسك اقرب له ..و الله يوفقكم |
وعليكم السلام ورحمة الله وبركاتة أولاً ما شاء الله واجد تعيدي وتزيدي بنفس الكلمات هههه أولاً عادي أنا أعاني من نفس انقلاباتك العاطفية ^_^ واحلف اني ما ارسله حتى تصبح ع خير ولكن اقوم نص الليل ارسله لانه أعرف مثل ما أنا أتعذر من فعل أشياء وأتردد منها .. كذلك هو ما نعلم كيف وضعه المفروص دام أنه خطبتكم تمت سنين ما شاء الله .. لازم تخليه يحس بالامان جنبك ما تنفريه منك وتعاقبيه مثل طفل صغير ... وتحاسبية ع كل شي وأنتي م تعرفي كيف حياته ... وخاصه يوم يذكر انه اهلك طيبين وحبوبين دام ما عايشه بنفس المكان معه .. ما تقدري تحكمي عليه كيف عايش لو يقولك انه مرتاح لأنه لكل بيت أسراره اللي أعرفه حبيبتي .... الواحد م يعود الطرف الثاني على كلمة انفصال الاعادة وزيادة بنفس الموضوع .. تقلل من قيمة الكلام .. ومع الوقت بيتعود على فكره وبالأخير راح تكوني أنتي الخسرانه ,,, هذه ابدا م تعتبر طريقة عشان تقيسي معزتك معه ولكن حاولي تذكري خططك ... والأشياء اللي تحبيها .. مرده يستمع :Kq600697: وأحسلك خذي حبل البدايه وبينسحب معك مع الوقت وبنظام كلامك وبيتشجع بنفس الوقت يتكلم معك .. أهم شي لا تحسسيه أنه متعب وأنه معه نقص بالأخير لكل شخصيه وكل نوع ... طريقة خاصه متعود يعيشها الحب مو بالكلام جد ... والأهم لا تخلي نظرتك فقط كلها موضوعيه أنها تتمحور فقط بالحب والرومانسية والكلام ... حاولي تفهمية شوي .. وبأذن الله بتعيشي مرتاحة وأتمنى اني م طولت .. مع أني أشك أني م طولت :bnat30: |
خليه يتنفس ترى كذا تخلي الرجال ينحاش نهائي من اسلوبك بعض زوجات عي سبب دمار في تخريب بيته اتمني انك تثقلين وتعطينه فرصه ولا تزعلين تفسك |
| الساعة الآن 09:20 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا