يا حيف يا هقوتي . خابت
باللي على البال والخاطر
ناس لهم روحنا ..... ذابت
واليوم الظالم هو الشاطر
ما قدروا لحية ن .. شابت
من اجلهم والله ... الخابر
ايامنا اللي بهم ..... طابت
ومن اجلهم بالملا انخاطر
وعيني عقب الهنا . جابت
دموعها كنها .. ... الماطر
تحية للصاحب .... الثابت
اللي على ظرفنا .... صابر
اصل الوفاء وعرقه النابت
ما غيره وقتنا ...... الغابر
يوم العرب غابت . وعابت
ما غاب وباللازمة . حاضر
يفدونه ناس لنا .... غابت
يفدون ابو الجود . والنادر
يوم الردي فزعته ... رابت
حمد تيار ن لنا ....... هادر
له مدة بالكرم ...... صابت
ما مدها ينتظر ...... شاكر
يسراه من يمنته ... هابت
تخاف تقصر ولا .... تبادر
ما يوم عن يمنته ... نابت
لكن تعينه ولا ....... تغادر

القارظ العنزي