بــــدع مدوووووووش اتت من سوسنة قهر أنا لي زمان ولا لفاني خبر وطروش من اللي من أول كان يرسل مناديبه وذا الليل جاني علم والهوش وسط البوش تقدم به المملوح في شكن و ريبه فرحت و حزنت و جرّش القلب تسع جروش و قام الهوى من ميلة الحظ يومي به أنا مرتبش بالحب لو ماني بمربوش كما ربشة اللي هـبّـلوا به معازيبه وألا يالهواويـّـه غديتوا طعام جحوش مدام الهوى كل المهبـّـل تهذري به ترى الحب سر ولا يومّـن عليه خدوش وترى الخدش خدش يودّي العلم و يجيبه يسوم الحكي بالقرش لو ما معاه قروش و لمن سمع له علم عـوّد يغني به و لا كل من ناوش على العاليات ينوش ولا كل من يوعد بميعاد يوفي به ولا كل سيلن لا أنتحى في الشعيب يطوش و عذرك على اللي طامعن في غثاريبه ولا كل من هاوش دسم لو عليك يهوش على نعم وإلا قالوا الناس والخيبه ولا كل من جـرّب نقش في الكتاب نقوش بعضهم يعيش ولا تفيده تجاريبه ومن عيشته بالغش تالي الزمن مغشوش يعيش و يشوف آخر نتيجة ملاعيبه بيوتن طرت والفكر من بدعها مدووش على قاف ما نجهل بفنه و ترتيبه قلم بو نوره |
ابدعت اخي ابا نوره ابيات مايجيبها الا شاعر جزل بورك فيك وفي قلمك العذب يختم ل 3ايام تقييمي خمس نجمات |
صح لسانك شاعرنا ألفذ بو نوره دمت لنا ودام قلمك الراقي ألعذب. |
الله الله ولاتاتي الا بالجميل دائما الله يعطيك الف عافيه وصح لسانك |
اقتباس:
هلا يا بعدي شاعر المناجاة بارك الله لنا في وجودك وحسك يشرفني انها لا مست اطراف ذائقتك يا حبيب ارق التحايا |
اقتباس:
هلا بالغالي يشرفني وجودك يا اطيب القلب ويا اطهر روح..... انا يالغالي انا اجزم ان الكل هنا يحبك ويجلك لانك تستاهل وقلبك ناصع نظيف ما تشيل على احد....ليتنا مثلك انت مكسب لنا جميعا |
الساعة الآن 05:30 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا