|
" عهد الأخوة " ~ حصرية إلى القارظ العنزي * قصيدة موجهة للشاعر الكبير القارظ العنزي أتمنى في ختامها أن تقولوا " آمين " ^ أبا أوعدك يا صاحبي ما أخليك ياللي لخطواتك بالصدر مدهال باقي على عهد الأخوة أناديك لو كان بعدك سبب ضيقة البال سلمت يالقارظ و تسلم قوافيك اللي لها ترمي العذارى الشال أنت الرفيق اللي لو تبتعد بجيك لو كنت في أرض النشاما اليوم نزال لا تترك أرحامك وهم بين أياديك خاف تفطر رمضان و تصوم شوال خلك رحوم الله يرضى لي عليك قبل تغرب وتضيق بك الأحوال والله لونك بلندن وتنادي لألبيك اجمع رحولي و أنوي لك الترحال عسى الشمل يلتم و تشوف مغليك اللي بسبب غيبتك دمعه همال - * |
الله يجمعكم ويجمع كل صاحب بصاحبه صح لسانك شاعرنا شاعر الوفاء أنا فداهم يعطيك ألف عافيه وتسلم ياغالي . |
اقتباس:
بعد في صحوبيـة بهالوفا! شي جميـل والله الله يجمعكم دايما على خيـر ومايفرقكم ابد اقتباس:
سلمت يمينك ابدعت والأبيــات جميلة جدا احساسك وصدقك فيها سابق لها صح لسانك كالعادة بدي قيمك مارضي =( مع اني زمان ماقيمت تستاهل كل خيـر :ورده: . . |
عسى الشمل يلتم و تشوف مغليك اللي بسبب غيبتك دمعه همال اللهم امين يجمع شملكم وشمل كل غايب يارب ماشاء الله صح لسانك وبوركت يمينك ابيات جدا جميله نالت اعجابي استمر ولك الفايف ستارز. |
اقتباس:
أنا أعرف القارظ العنزي من حوالي خمس سنين وهو أكثر من صديق ويستاهل الأبيات وقليلة بحقه يشهد الله يعطيك العافية أمولة على المرور العطر واعتبري التقييم وصل كوني بخير :MonTaseR_2: |
اقتباس:
اللهم آمين يا رب ما عليك زود حبيب قلبي الله يعافيك وشكراً لمرورك العذب كن بخير :MonTaseR_222: |
| الساعة الآن 11:09 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا