|
رداة النصيــــبي!!!!! . هالمرة خفيفة..عتب....زعل...غزل....تغلي" :: :: بسم الله أبدأ يا ملح يا سكر تراني معاديك لاني صحيبٍ لك ولنت بصحيبي اليوم عاديتك وانا كنت مغليك وهذي قوانين الكبر و المشيبي مالك معي خوّه ولاني مخاويك كل ٍ يدوّر شلته يا حبيبي لو به عدل والله لاقاضيك و اشكيك واحلف على المصحف و بشق جيبي كل التهايم فيك ماني مبرّيك وادخل على الله من رداة النصيبي سمحت من ضرب الوعر في مساريك مالد ّ عيني لك لو انك قريبي اشرق زماني بالعنا والتهاليك والحين زانت يوم حان المغيبي عشنا معيشه مثل عيش الصعاليك نرقب و ننعس مثل خطوات ذيبي اذكى من الحيلات و اهل المشاريك و أصح ّ جسم من الخبير الطبيبي من اولى نفرح بشوفك و طاريك واللي سواك يهون مهما يغيبي نجاملك نبغى على الله نراضيك و نصاحبك لوّك عدوٍ حريبي واليوم ما ندري بغيبة معاليك واحسب حسابك يوم ربي حسيبي لا ذارفٍ دمعه ولانيب باكيك ومن لا سلم جرحه عسى ما يطيبي بسابق المذن مع صيحة الديك صوب المساجد بالجري والخبيبي واخلي الباشا و بخلي البيك تطرب بجرّة قوسها و السبيبي كل ٍ من حسابه يبي يصرف الشيك يبذل شبابه لين يجنيه شيبي أما كسب معروف من دون تشكيك والا غشاه من المناقيد عيبي قلم/ بو نوره |
لا ذارفٍ دمعه ولانيب باكيك ومن لا سلم جرحه عسى ما يطيبي —- صح لسانك |
أما كسب معروف من دون تشكيك والا غشاه من المناقيد عيبي اجدت المعني والمبني اخوي الشاعر .. بو نوره .. قصيده عذبة المعاني راقية المستوى ... صح اللسان وسلم الاحساس والبنان ... لله درك وفالك البيرق ... ... لا خلا ولا عدم ... |
اقتباس:
اشكرك يا شاعرنا وجودك على متصفحي برقي حسك يشرفني |
اقتباس:
وجود شاعر كبير مثلك على متصفحي يشرفني تحياتي لك |
الله عليك شاعرنا العذب بو نوره قصيدة جميله جدا قرأتها اكثر من مره من جمالها صح لسانك وسلمت ولا هنت يختم ل 3 ايام تقيييمي خمس نجمات لايك |
| الساعة الآن 03:49 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا