لولا المحبة عطاها .... زين
ما يوم حبيت ...... مزيونة
لكنها تشقي ......... القلبين
والعاشق ما ترقد ... عيونه
سلام ياللي هواهم .... وين
عقب الغلا غابت .... ظعونه
مدري هو باقي مع الحيين
والا مع الترب ..... مدفونة
حبه دفني وبكى .... العين
وقليبي يبكي على . فنونه
خلي جرحني بلا ... سكين
جرح توسع في .... طعونه
نصيحتي للبشر .. هالحين
هجوا عن الحب .. وغبونه
يا ويل من يفقد ... الغالين
نار الغلا تذبحه ....... دونه
بنات حواء معي .. قاسين
ما فيهن رحمة .. ولا عونة
من حبهن يدفع ... الثنتين
مع الجفاء ينطفي .... نونه
دمعه تجارى على الخدين
من سيله يغرق .... اردونه
العيشة من عقبهن والشين
كني يتيم .......... يهدونه
أمه توفت مع ..... الجدين
وفي موت أبيه .... يعزونه
متى حبيبي يسد ... الدين
دينه كثر من ...... يسدونه

القارظ العنزي