|
قصيدة من الارشيف يالله يامدير الليالي والايام وتدرج هبايبها على من تريده ياواحد لرضاك ساجد وصوام ولانمشي الا فـ الدروب الحميدة تفرج لمن حظه تعثر ولاقام ترخت حباله ولا هي شديدة ياطير ياللي بالسماء جر الانغام ذكرتني وقت الحياة السعيدة ذكرتني وقت به ارتاح وانام وابوووووك يالدنيا وراها زهيده ياطير ناظر حالتي مثل الاحلام ماتصفي الا في ثواني عديدة قول صحيح ولا دخل وسطه اوهام من خاطر يبغى الشكاوي تفيده يازين من حبك مريض ومنلام ومن لامني جعل الليالي تبيده مبروم حبك داخلي كل الابرام مشدود بحبال قويه وتيدة وركزت في صدري مراسيم واعلام خلاص يكفي يالغضي لاتزيدة وياطير وصل لو توصل بعد عام اللي سمعته من ضميري تعيده للتوم جعله للبقاء كل الاعوام شكوى اسير مابقى له شريدة رجل على العسرة قوي وحزام ولاقام في شيء لزوم يعيده ويالله ياللي نزل الحق باقلام ياواحد صلت فروضه عبيده تفرج لمن عقله طُبع طبع الارقام ارقام تطبع في مطابع جريدة وسلامات تطولكم وتعداكم & |
نعمين يا حطاب مع سبعة .... انعام ياللي حبكت القاف بحرف القصيدة انا اشهد انك نادر الطير ....... غنام حر يبين بالحباري .......... حصيدة وان كانها بالطيب عزوة ..... وقدام نلقى المكارم سجلت في ... رصيده اللي جرا لك حاسنا عدة ..... اعوام ولا به رفيق يعتزي ......... بالبديدة واللي نريده ينطح القوم ....... لزام اختاره الله من نوادر ......... عبيده عز الله انه عزوتي كل ........ ما زام وعز الله انه بالمراجل ...... . فقيدة والعشق بنى بجوفنا قصور . وخيام ونيرانه اللي بالحنايا ......... وقيدة اصبر وصابر واحتسب يابن الإكرام هذي سوات المبتلى ..... بالخريدة |
صح لسانكم شعرائنا الكرام ابيات كانت جميلة جدا يختم ل 3ايام مع التقييم والايك |
ما شاء الله كلمات وقافية جميلة ورائعة الله يفتح عليك ويبارك فيك ابيات مميزة صح لسانك |
الله الله عليك يا الشاعر الرائع .. حطاب الغدري .. اطربت وأمتعت وخالقي ... قصيده فاخره جدآ لله درك ... وأعجبني رد الشاعر .. القارظ العنزي .. مافيكم حيله ... صح اللسان وسلم نبض الإحساس وعذب البيان ... كفيت ووفيت وفالك البيرق ... ... لا خلا ولا عدم ... |
.. صح لسانك ياحطاب وعزالله اسندت على رجل من قبيله كفو وابدع القارظ بالمجاراه وننتظر جديدك يالنشمي |
| الساعة الآن 05:07 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا