منتديات مسك الغلا | al2la.com

منتديات مسك الغلا | al2la.com (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   خلاص يمه (https://www.al2la.com/vb/t114491.html)

بكاء بلادموع 03-27-21 01:42 AM

خلاص يمه
 
السلام عليكم ورحمة الله وبركاته




خلاص يمه كفايه غياب
ناديني يمه
وحشاني ضمة الاحباب

والله يمه واحشنى دعاكي
اللي كان بيفتح الابواب
ووحشاني قسوتك يمه
اللى مليانه حنان وعتاب

خسران يمه
اللى منالش رضاكي
وانا بعدك بتقلب
فى نار وعذاب
يا جنه كانت عمر قدامي
وانا طيشي مغربني مع الأغراب
وتقولي يا ولدي ارجع
واقول
مفيش احلى م الاصحاب
يا مين بالزمن يرجع
وكل اللى اتغرب تحت القدم يركع
وينادي يا جنه افتحي لنا الباب

يمه خدني الشباب والطيش
ويا ريتني كنت م الدراويش
لا طولت الرضا يمه
ولا طولت رغيف العيش
ولا شبعت من حضنك الدافى
واديني ماشي على شوك الحياه حافي
وحمولي ما حاملاها اكتافي
يمه بحر الهموم عاتي
واتكسر شراعي ومجدافي

زمان يمه كنت تقولي
اصلب يا ولد طولك
ولا تنحني الا لمسبب الأسباب
يا ولدي الحياه غابه
يدوب تلقى لك صاحب
وباقى اللي في ****** ذئاب
ومسمعتش الكلام يمه
واديني بدفع من طيبتي للكل حساب

خلاص غفلقت يمه
ومش فارقه الفتحه من ضمه
دي الكسره بقت يمه
من ساعة ما اتكتبنا فيها حضور
ولحد لما يكتبونا غياب

ما تنادي قوام يمه
وحشاني ضمة الأحباب

ياسر ابراهيم

أعد النجوم 03-27-21 02:56 AM

اسأل الله ان يلم شمل كل حبيب بحبيبه

فراق الام مؤلم جدا


اعانك الله اخونا ياسر



قصيدة رائعه وفيها الالم واضح اسأل الله ان يزيله عنك



يختم ل3ايام مع التقييم والايك

شاعر رومانسي 03-27-21 12:58 PM

كل الشكر والامتنان لطرحك الشيق .. سلمت اناملك

بكاء بلادموع 05-06-21 01:10 AM

كل التحايا والتقدير لكم
اخوتي واخواتي واحبتي الكرام

وكل عام وانتم بالف خير


الساعة الآن 02:09 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا