عاطل لكن طموحي الوظيفي كبير جدا الواقع لدينا انك تتوظف في وظيفة وطوال عمرك تتمسك بها هل لو تمسكت في وظيفه راتبها 4000الاف ريال ٢٠ سنه مثلا سوف يتغير وضعي للأفضل أن شاء الله لأن صراحه هذا هو الواقع لدينا |
إذا كان مرتبك في هذا الزمن 4000 ريال فأصله هو (( 3400 ريال )) لأن 600 ريال ليست ملكاً لك بل ملكاً للحكومه اجبارياً بالإضافه إلى ذلك الضرائب على السلع والخدمات التي تشتريها ويرجع عائدها للحكومه يعني يارجال كذا ولا كذا الحكومه شاخلينك شاخلينك إذا ما إنتبهت لنفسك وحسنت وضعك نصيحتي لك (( نزل تطبيق أسعار الذهب في جوالك وإشتر لك سبائك ذهبيه من أسواق الذهب )) وبإذن الله يتحسن وضعك سريعاً أفضل من الإعتماد على راتب مشخول . |
هي الشغلة مهي واقفة على كم تستلم بالشهر هي واقفة على كيف تتصرف بالراتب والله مافيه فرق بين ابو ٤٠٠٠ و بين ابو ١٠٠٠٠ و غالبا ابو عشرة يتسلف من ابو اربعه أنت اللي تدير حياتك و مصاريفك والرزق محد يعلم فيه غير اللي سخره لنا ما تدري يمكن خلال العشرين سنة تصير أكبر تاجر أو من اللي الله أنعم علبهم وأجي واتسلف من عندك |
حاول تشتغل شغل اضافي صح تعب عليك بس علشان توصل لطموح لازم تتعب وتشتغل على نفسك في وظايف ب٣٠٠٠ بدون تأمينات بعد دوامك الاساسي خذلك مثلا شفت ليلي او اشتغل اوبر او او ...الخ عندك خيارات كثير تزيد بيها دخلك وصح تعب ومراح تذوق طعم النوم والراحة لكن اعتبرها فترة قصيرة علشان تعدي فيها مضيق وشوية وشويه باذن الله حتلاقيها فُرجت |
رتب اولوياتك بالمصاريف استغن عن الكماليات اللي مالها داعي المسأله فعلا ليس كم يدخل للجيب المسأله كم تصرف كم تخرج من الجيب |
إذا تبي ربي يبارك لك في فلوسك لا تدخل فيها (( ربى )) لأن الربى بحد ذاته يزيل البركه من فلوسك ومن صحتك ومن كل ما تملكه وفوق ذلك يدمر مستقبلك لذلك إنتبه من العروض البنكيه التي تغريك بإستخراج قروض تمويليه او تأجيريه لأنها أساس البلا في تدمير حياة الشخص . |
فكره العمله وصغيره جدا حكمت العالم فما بالك حينما تكون انت صاحب فكره تقود المال بطريقتك تلعب بها كما لاعب السرك المحترف حتى اختصر عليك اي مليونير أو ملياردير مستحيل أن يفكر بطريقه السلعه بل يفكر بطريقه العمله صحيح أن موضوعك قصير ولكن يحتاج شرح طويل ابدأ من موقعك وادخل صفقات تجارية بسيطه مثلا بألف ريال والصفقه يجب أن تدخل لك ربح نصف رأس المال يعني 500 ريال والمده الزمنيه 3ساعات حتى لا تدخل في مزاحمه السلع المجزئه اتخذ الصفقات عمل يومي وتدرب عليه شهر تصير عندك خبره وقاعده تجاريه بعد 3اشهر ومع مرونه تعاملك مع المجتمع والسوق والمستهلكين خلال شهر راح تحصل على دبل راتبك وبعدها ادخل سوق صفقات تجارية بسلع تجاريه مختلفه بأعلى ربحا وتكرر نفس العمليه بأماكن مختلفه فيرتفع ربحك وهذه الطريقه ربحها ليس ثابت يعني تقدر بعد 6 اشهر يكون عندك 50الف ريال وتقدر خلال ساعه وحده تربح ربع مليون ريال على حسب تفكيرك وتجارتك بسلع التجاريه خلينا نقول لو تعمل صفقه على جهاز الطرد المركزي الي يستخدموه في المختبرات الطبيه تقدر تحصل 50 الف ريال في ساعه واذا عقدت صفقه على قصر عقاري خلال ساعه تحصل 100 الف ريال بساعه واذا عقدت صفقه على جهاز الكتروني يلبس 500 سن بتعويضات السنيه باليوم قيمته سبعه مائه الف ريال فأنت ربحك منه ربع مليون ريال انت وشطارتك فيه اشياء كثيره تستطيع ان تنقلك من الماليه المتوسطه الى مستوى الأعمال الرائده بضربه واحده مدروسه دراسه ممتازه والتوكل على الله نور توفيقه |
الساعة الآن 03:00 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا