|
وقوف الأرض والرجّال! - حصرية * * تدور الأرض وأتذكر قبل عامين به رجال منعها لا تدور وكان يتحدّى ولا يبالي لأنه كان سالي في الحياة ومستريح البال وفجّره الغرام وهيمن جنونه بلا والي بدا يومٍ بدا ينسج من غيوم المعاني شال وأقنع كل نجمة تستمر بوضعها الحالي ألين إنه نوى مرة يصير أسطورةٍ تنقال وقال: أوقّف الدنيا وأظل أدور بلحالي! أبيك تحبني يامال عنقود العنب يامال أبيك تفيض بي وأقول زان الوقت من تالي ومن يومك وأنا أنسب صدودك للخجل بهبال وأقول إنك بعد رايح معي و أصدّق هبالي وأحس إنك تراقبني وتتلفت "عيون البال" وأنا أمسك نظرة (عيوني) أبيك تشوفني سالي تصدّق قد ملكت الكون وأنا ما فـ جيبي ريال ويا كم رحت أدوّر لك هدية فرح بريالي ! وإلى هالحين .. صدقني لو إن لي حيلةٍ بأحتال ولكن ما معي حيلة ... ولاني طايقٍ حالي ولا أدري اليوم وش طاري علي وشلت لك موال؟! مع إنك من قبل عامين تاركني لموالي ذكرت شلون كان بوسط صدري للهوى تمثال ورحت ومات تمثال الغرام وعاش تمثالي ذكرتك والضيا شمعة حزينة واقفة بإجلال لطابور الدموع اللي يعزيني على آمالي ذكرتك وألف شي وشي مرّ بخاطري يختال خيالٍ لو تبي زبدة علومه .. إسمع التالي: تخبر وقوف الأرض اللي أقوله تو .. والرجال؟ ترى من جد وقفها على ذكراك يالغالي ! * * أنا فداهم |
ابيات رائعه جدا صح لسانك شاعرنا العذب بورك القلم وصاحبه ابداع منقطع النظير شكرا لك على هالقصيد اللي روانا واسعدنا يختم ل3 ايام مع التقييم والايك |
ذكرتك والضيا شمعة حزينة واقفة بإجلال لطابور الدموع اللي يعزيني على آمالي ذكرتك وألف شي وشي مرّ بخاطري يختال خيالٍ لو تبي زبدة علومه .. إسمع التالي: تخبر وقوف الأرض اللي أقوله تو .. والرجال؟ ترى من جد وقفها على ذكراك يالغالي ! صح لسانك وسلمت يداك الوضاءة وقلبك الطاهر اخي الغالي يحفظكم ربي عزيز الشأن ويرفع من قدرك بين أهلك ومحبيك ومن تحب دين ودنيا وآخرة. اخوك/ حمدفهد |
اقتباس:
تواجدك و إعجابك بالقصيدة وسام أحمله على صدري صح بدنك ولا خلا ولا عدم أنرت القصيدة بهذا الرد الجميل |
اقتباس:
أشكرك على المرور العذب ؛ اللهم آمين أجمعين يا رب العالمين. كل الشكر وخالص المحبة. |
صح لسانك وسلمت يُمناك، حروفك لها معاني ثقيلة، وإحساسك يصل لأعماق قلب القارئ، نادر جدًا من يملكون هذا النوع من الأحاسيس، تستحق الخمس نجوم بِجدارة، بإنتظار جديدك دائمًا، دُمت. |
| الساعة الآن 08:21 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا