|
:: تنويه :: |
موضوع مُغلق |
| LinkBack | أدوات الموضوع | انواع عرض الموضوع |
04-29-21, 11:45 PM | #1 | |||||||||
|
بــــدع مدوووووووش!!!!! لربما البيت الخامس يلوث مسمع اختى العزيزة او اخي الغالي لكن مايشفع لإدخاله بين ثنايا هذه القصيدة انه انبثق من ارهاصات سوسنة قهر شديدة قد عشتها بسم الله أبدأ .. .. .. .. أنا لي زمان ولا لفاني خبر وطروش من اللي من أول كان يرسل مناديبه وذا الليل جاني علم والهوش وسط البوش تقدم به المملوح في شكن و ريبه فرحت و حزنت و جرّش القلب تسع جروش و قام الهوى من ميلة الحظ يومي به أنا مرتبش بالحب لو ماني بمربوش كما ربشة اللي هـــبّـــلــــوا به معازيبه وألا يالـهـواويّـه غديـتـوا طـعام جـحــوش مدام الهوى كل الـمــهــبّــل تهذري به ترى الحب سر ولا يــومّـــن عليه خدوش وترى الخدش خدش يـــودّي العلم و يجيبه يسوم الحكي بالقرش لو ما معاه قروش و لمن سمع له علم عـــــــوّد يغني به و لا كل من ناوش على العاليات ينوش ولا كل من يوعد بميعاد يوفي به ولا كل سيلن لا أنتحى في الشعيب يطوش و عذرك على اللي طامعن في غثاريبه ولا كل من هاوش دسم لو عليك يهوش على نعم وإلا قالوا الناس والخيبه ولا كل من جـرّب نقش في الكتاب نقوش بعضهم يعيش ولا تفيده تجاريبه ومن عيشته بالغش تالي الزمن مغشوش يعيش و يشوف آخر نتيجة ملاعيبه بيوتن طرت والفكر من بدعها مدووش على قاف ما نجهل بفنه و ترتيبه قلم بو نوره | |||||||||
|
04-29-21, 11:53 PM | #2 | ||||||||||||
مَشَـآــآــآعِـر~شَـآــآــآعِـر
|
الله عليك بو نوره مبدع دايمن ابيات جدا راقيه بوركت وبورك قلمك العذب سلمت ولاهنت من ناحية البيت الخامس فهو راكب ومضبوط اسأل الله ان يهون عليك ما اصابك يختم ل 3 ايام مع التقييم والايك | ||||||||||||
|
04-29-21, 11:54 PM | #3 | |||||||||||
|
ابيات رائعة صح لسانك اخوي ابدعت وبأنتظار جديدك سبقني مراقبنا المبدع اعد النجوم بالختم مشكوراً تقييمي + الفايف ستارز | |||||||||||
التعديل الأخير تم بواسطة قيثارة ; 04-30-21 الساعة 12:06 AM |
04-29-21, 11:57 PM | #4 | ||||||||||||||||||||||||||||||
|
حضورك دائما ذهب اتشرف به واعتز وادري ان البيت الخامس موزون لكن يمكن بعض مفرداته تزعج القارئ الكريم هذا ماقصدت تحياتي | ||||||||||||||||||||||||||||||
|
04-29-21, 11:59 PM | #5 | |||||||||
| | |||||||||
|
04-30-21, 12:03 AM | #6 | ||||||||||||
مَشَـآــآــآعِـر~شَـآــآــآعِـر
|
شفت يا ابو نوره كلنا جينا انا وقيثاره نتسابق على الرد والختم والايك من اجل هذي القصيدة الرائعه ههههه | ||||||||||||
|
موضوع مُغلق |
مواقع النشر (المفضلة) |
| |
| أصدقاء منتدى مسك الغلا | | |||||