الناقد والفيلسوف الحلقه 2 مع ŢαŢμαŊα( انثى اسثنائيه ) - الصفحة 27 - منتديات مسك الغلا

**ŢαŢμαŊα** · 09-17-21, 10:42 PM

المشاركة الأصلية كتبت بواسطة الدكتورة

https://www.al2la.com/vb/2006241-post238.html

خليني هني أروح شوي لفكر أبعد
،،

سمعي يا تاتي قصدي اقري
جاني مرة سؤال نحن نحلم وفي أثناء حلمنا نرى انفسنا نحلم بحلم آخر،، تصوري صندوق داخل صندوق المهم تستيقظين لتعي أن ذلك حلم،، ماذا لو استيقظتي الآن وادركتي أنكِ كنتِ تحلمين
سؤال به عمق فلسفي كيف ستجيب تاتي
خليني أشوف مدى تقاربنا فكريا
؟؟؟

دكتورتنا بتمنى انو جوابي ينال اعجابك ويكون قريب من فكرك
انا بتصور أني بقدر أعرف انو هيدا واقع ومش حلم
لآنو في فرق جوهري بين الاحلام والواقع
وهو عامليى الزمان والمكان يلي بيكونو غائبين في الحلم
بما معنى بأغلب احلامنا مانعرف أديش اليوم بلاسبوع او نحنا بأي مدينه

بس في الواقع او بعد ماتقوم من الحلم رح تعرف المكان والزمان
وبتتذكر أنو هيدا بيتك واليوم بيصادف اديش من الشهر
فـــ بالتالي رح تحس أنو أنتا عايش بالواقع ويلي بيحدث معك كلو حاضر

بعض الأمور من بعيد أحلى ،، ماعرف تاتي أن أقبل حد في حياتي بشكل كبير دون معرفتي العميقة به ،، ما هو رأي تاتي هنا

معك حق دكتورتنا يلي بيفوت جوات أسوار القلب او العقل
لازم نعرف عنهم أشياء هامة
بس مش شرط انو نفوت بخصوصياتهم واسرارهم
عطول لازم يكون في space كافي وهيا مسافة الحماية والأمان لالنا ولغيرنا

اتفق لو كانوا أشخاص عابرين لكن يكونون مؤثرين ولهم في حياتي موقع كبير لازم اعرفهم واتفق معاج مش لازم ننبش كل شيء عنهم لكن فيه جزء مهم جدا لازم نحيط به
،،،

وهيدا هو المقصد غاليتي
مش كل يلي حوالينا وكل يلي منعرفهم بيستحقو أنو نصرف وقتنا بالتعرف على تفاصيلهم او اهتماماتهم
فينا نكتفي بباقة مختارة من الصديقات والمعارف
وهم الدائرة يلي قراب منا وفي رابط روحاني وفكري وعاطفي بيناتنا

هم في البعد أحلى= للأسف أغلب الناس

قربهم غاية= الاصحاب ويلي بيصيرو أخوان بالقلب والروح

أبعد عن الشر ولا يغني لي ولا أغني له= لعشاق المشاكل والغيبة والنكد

https://www.al2la.com/vb/2146731-post434.html

هل يوجد أغبياء
؟؟؟

ولاو دكتورتنا !!!
آكيد في وبعدة موديلات كمان

إذا اجبتي نعم كيف تبدو أوصافهم
؟؟؟

آوصافهم متل الأشخاص العاديين
بس المشكلة في تأثيرهم الفتاك على الاخرين
بيجيبو الجلطه للآخرين بوقت هم عايشين حياتهم براحه وسعادة
بمامعنى الغباء نعمة لصاحبه ونقمة للي حواليه

ما هو التصرف اللي ما تطيقه تاتي من قبل الآخريين مثلا ثقل الدم ،، التغابي
و و و
؟؟؟

بمقت تصرف الغرور والتكبر ... بس مابيدايقوني
لاني بعرف مزبوط كيف اتعامل مع اصحابهم
بس مابطيق المخادعين والمنافقين والاغبياء
المخادع .... نعوذ بالله بيحمل أسوء الصفات والتعامل معو أشبه بالتعامل مع نائب الشيطان
المنافق .... التعامل معو متل تمثيل دور الحليم والصبور وأنتا من جواتك بتغلي
والغبي .... متل ماوصفتو فوق بيقصر العمر وبيحروق الدم

https://www.al2la.com/vb/2297794-post694.html

البعض أحباط
فعلا
لا اغبياء فماذا تقول تاتي
؟؟؟

دكتورتنا أنا بتفق مع المقوله
يلي بيصيبوك بلاحباط بيحملو طاقات سلبيه جدا
مخلييهم اشخاص مطفايين وباهتين
والمشكلة انهم عم ينقلو الأحباط والكأبه للاخرين

كيف تتصرفين مع تلك الشخصيات السلبية
؟؟؟

بصرف أقل وقت معهم حتى مابنقلو لالي الطاقة السلبيه
وكمان بتقليل دورهم وتأثيرهم عليى

من
يجلب الكآبة= المتشائم والمنكسر وصاحب الشخصية الهشة

أنتِ تبعثين الفرح يا ملكة الذوق كله

هيدا من كتر ذوقك وحلاكي
وأنتي كمان ياست الحسن
مرساله الفرح والنور والطاقة الايجابيه , يؤبرني طلتك ووجودك

المشاركة الأصلية كتبت بواسطة الدكتورة

كم فكرت في كلمة أسرار

وكم صحبت في الدنيا أشخاص تتراوح اسرارهم
بين العادي والمهم وبين من أراه أنا شيء لا يعتبر سر بالمرة ويراه أصحابها سر

في كل الأحول احترام الأسرار " اللي تعني للأشخاص سر" شيء رائع

طيب
يا تاتي
* الإنسان القادر على حفظ سر غيره قادر على حفظ سره صحيح وألا الأصح نعكس الجملة
؟؟؟

مزبوط غاليتي ... الاصح نعكس الجمله لحتى تكون
الآنسان يلي هو قادر ع الاحتفاظ بأسراره , فــ بيكون عندو القدره ع الاحتفاظ باسرار الاخرين
لانو وقتا رح بيكون متل الصندوق المغلق

* الكتمان،، كيف يكون الإنسان " كتوم" بمعنى البعض يخلط بين الإنعزال والكتمان أنتِ كيف ترينه
؟؟؟

الكتمان هو أنك تحتفظ بسرك جوات قلبك او بين حجرات دماغك
بوقت تتعامل مع الناس بشكل طبيعي , بحيث محدا بيحس عليك
أنو انتا وقت بتحكيه , في سر بمخبيه بقلبكاو بعقلك

اما الانعزال ... فـــ الانسان يختار الابتعاد عن الاخرين وينفصل بارادتو عنهم
يمكن كرمال نوع السر كتير قوي مابيخليه يتصرف بشكل طبيعي
وهوي مابدو ينفصح قدام الاخرين ,,, لهيك رح يختار العزله

ومرات الشخص بطبيعتو وبتكوينو البايولوجي بيعشق العزله
ومنو شخص اجتماعي لهيك بيفضل البقاء وحدو وبيحس بلامان اكتر

* لسانك حصانك إن صنته صانك ،، هل بالفعل لسان الإنسان هو سبب نكبته ،، أم أحيانا الآخرين هم النكبة الحقيقة من خلال تلقيهم
؟؟؟

برائي آقوى وأخطر سبب هو لسان الانسان نفسو
وهو النسبة الكبيرة في فشل تحقيق الغايات وحدوث المشاكل
اما تدخل او حشريه الاخرين ... فـــ هو سبب اضعف وأخف

وأكتر شي يندم عليه الشخص وقت يفلت لسانو او مابيحافظ ع اسرارو
لانو بيكون هو المسبب الأول والجاني ع نفسو
اما اذا حدا 2 تجسس عليه وعرف سر عنو واذاه
مابيكون حجم الألم والاسى بدرجه الحاله الأولى ,,, لانو هون الجاني شخص اخر
والشخص الأول بيكون مجني عليه

* وهل يكب الناس في النارس إلا حصائد ألسنتهم،، ما هي حصائد الألسن يا تاتي
؟؟؟

بالعاده بيكونو الحصاد أشياء عاطله ومزعجة
اشعال نار الفتن بين الاخرين , حدوث مشاكل مستمره
ويمكن بسبب هالالسن يوصل الأمور لآذية الاخرين

* المسلم من سلم الناس من لسانه ويده كناية عن اقل قوى لاعلاها،، أيهما أشد على المتلقي سطوة اللسان أم اليد ،، أم:::::::: رايج
؟؟؟

سطوة اللسان أشد
لآنو الكلام رح ينخزن بالدماغ ومرات بينتقل للعقل الباطن
وبيضل محفوظ عطول ,, وصعب الانسان ينساه

ولكن سطوة اليد حتا لوكانت شديدة
بس رح تكون موقته ووقتيه لا الدماغ يخزنو
والانسان كمان ينساه مع اول اعتذار حقيقي من الطرف المعتدي

* في المقابل "متى يصبح اللسان كالساكت عن الحق "
؟؟؟

عندما ينعدم الجدوى من الكلام والتوعيض والتحذير

* هل تعرضت لتاتي لموقف فيه تحديد مصير ،، وقالت: والله صحيح الموضوع ما يخصني،، لكن كلمة الحق تخصني من باب أمانة الكلمة،،

أي تعرضت لهيدا الموقف
وقلت كلمة الحق لآني مابقدر اسكت ع الحق
ومابحب حدا يجنى عليه وانا عارفة انو هو المظلوم

أم
هل تعرضت تاتي لموقف شافت فيه كلمة حق وقالت" ما بدي وجع راس وفخار بكسر بعضو وأنا شو يخصني"

؟؟؟

لا ابدا هيدا مش طبيعتي ولا مباديء

أنا اتكلم عن الواقع العملي في حياتج
الواقع العلمي في جامعتج

مزبوط غاليتي
وانا كمان جاوبتك ع هالاساس

واستثني المنتدى هنا تماما " أنتِ مراقبة" وأنا عارفة صلاحياتج
لكن فعلا ودي أعرف جانب شخصية تاتي هنا

نشالله عجبتك الجانب الشخصي

* اللسان/ والحواس أمانة متى يكون الإنسان خائن لها ،، ومتى يكون فعلا قد الأمانة
؟؟؟

أذا حافظ عليهم وأستعملهم في الخير والصلاح وقول الحق والعبادة
فـــ بيكون قد الأمانة
والعكس صحيح اذا استعملهم للشر والاذية والغش والخداع فــ بيكون خائن

آجاباتي ع آسئلات البارت الــــ 26 من آسئلات دكتورتنا الغاليه

**ŢαŢμαŊα** · 09-17-21, 11:44 PM

المشاركة الأصلية كتبت بواسطة الدكتورة

الفرق بين:

سليط اللسان: شخص بيعبر عن رائيو بأسلوب فظ ويتطاول على الشخص المعني وعلى الاخرين

قائل الحق: شخص بيعبر عن رائيو ويقول الحق بأسلوب راقي ومع الشخص المعني فقط

الفرق بين:

الجرأة: عرض فكرة غريبة بأسلوب حضاري ومفهوم وبحدود المعقول والمقبول

الوقاحة: عرض فكرة غريبة بأسلوب سوقي ومفضوح يتعدى حدود المعقول والمقبول

الفرق بين:

المجاملة: قول كلام واقعي او ابراز صفة رائعه موجودة في الشخص بأسلوب لطيف

النفاق: قول كلام وهمي او ابراز صفة رائعه مش موجودة في الشخص بأسلوب تملقي

متى يصح لنا الاختلاف
؟؟؟

دائما يصح الاختلاف
لآنو أصابع الايد الوحده مابيشبهو بعض
والانسان خلق حرا كرمال يكون كلحدا مختلف ومميز برائيو وبوجهات نظرو
ولآنو ولى زمن النسخ المستنسخه والمشي ورا رائي الاكثرية

* متى تكون المسألة ما فيها مجال أصلا للنقاش " محسومة"
؟؟؟

أذا كان الموضوع او المسائله شخصية وخاصة جدا بالشخص
وهو قرر أن يمشي على رائيو واختياراتو
ويغلق باب المشاورات واراء او نصح الاخرين

المشاركة الأصلية كتبت بواسطة الدكتورة

https://www.al2la.com/vb/2315461-post726.html

كيف يعلم السائر وحيدا أنه الصح،، ما هي علامات القراءة للاستدلال هنا
؟؟؟

اهم علامه هو الرضا والراحه النفسية
لآنو الانسان بطيعتو لما بيعمل شي بارادتو وبقناعتو بيكون اكتر سعادة
حتى لو كان خيارو او قرارو بيطلع غلط ,, بس رح يتحمل العاقبة
فـــ تحمل عاقبة قرار صدر منك شخصيا ,, أخف واسهل من تحمل فشل قرارات الاخرين

* هل تسير تاتي وحدها أو سارت
؟؟؟

نعم سرت وأكثر من مره
بوقت دراستي الجامعيه / لما اخترت دراسه الهندسه المدنيه
واغلي اخواتي واخواني أطباء

وبوقت شغلي /
كم مره اخدت مشاريع كانو بيراهنو ع فشلو
لصعوبه المشروع من الأساس وصعوبه إمكانية تنفيذه
وبالنهايه كتر خير الله نجحت

وفي حياتي الشخصيه
اغلب القرارات يلي بيخصوني باخدها بنفسي وحسب قناعاتي

* متى يكون السير وحيدا من باب " كل ممنوع مرغوب" وليس من باب صحة الأمر من عدمه
؟؟؟

عندما يكون هالممنوع كتير مرغوب عندك بوقت معين
متل / وقت زيارتي لبيت الاشباح يلي حكيت عنو بالتفصيل بإحدى تراتيل مدونتي

https://www.al2la.com/vb/2326140-post744.html

*نرحل ويبقى الأثر،، اتفق ،، كيف نجعل لنا بصمة حتى أن نغيب لم تغب
؟؟؟

بأن نترك سيرة عطره بقلوب وعقول الاخرين
واعمال مفيدة ومميزه يتذكرونا فيهم الناس

* كيف نترك أثر عن طريق قوة ناعمة
؟؟؟

بالكتابه ,,, بالنصح
و بالتعبير الجميل عن الاشيا يلي عجبنا ولفت نظرنا
بزبط متل مأنا بعمول أثناء تدوين تراتيل مدونتي المخمليه

* متى يُمحى الأثر
؟؟؟

بحسب قوة وضعف بقاء الشخص الغائب في فكر وقلوب الاخرين
ودرجه قربو منهم وتأثيرو عليهم
وقت يكون الشخص ضعيف البقاء وقليل التأثير
فــ بعد فترة رح ينمحي اثرو لدى الاخرين (بس بيضل موجود بقلب وفكر أصحابه المقربين)

* مش شرط كل أثر يعرفون الناس شخصياته الحقيقة ،، هناك ناس يكونون معانا في الكواليس قوة تدفعنا/ علم ينفعنا و و و ويأثرون بنا وساهموا في صناعة ذاك الأثر فيظهر الأثر ولا يعي الأخرون أن ما وصلهم مساهمات شتى صنعت شخصينا اللي ترك ذاك الأثر، ما رأي تاتي هنا
؟؟؟

أصبتي دكتورتنا في الوصف والتعقيب
وأنا رائي مع رائيك الواقعي الرائع

https://www.al2la.com/vb/2332605-post758.html

الدين والجهل ،،، كم من الذرائع والجرائم ارتكبت بشيء الدين برئ منه
؟؟؟

قديما وهلا ومستقبلا ... نفس الشي
ارتكبت جرايم كتار والدين متبري منو
خاصتا ديننا الحنيف المسالم

كيف ننشر الوعي هنا
؟؟؟

بمحاربة عناصر ووسائل الجهل وتعميه الناس عمدا
بالتذكير دائما وابدا بمباديء الدين الإسلامي
يلي بيؤكد على ضرورة العلم والتعليم ونشر الفائدة للناس

هل نحن بحاجة لتجديد الخطاب الديني؟؟؟

نعم نحن بحاجه مستمره لهالتجديد الديني

https://www.al2la.com/vb/2356586-post794.html

إن لم أكن الأول فلا يهمني حتى لو جئت الأخير ،،، ما رأي تاتي هنا
؟؟؟

عزيزتي انا هون ضد المقوله
لآنو في الحب والزواج لازم يكونو الطرفين نمبر 1 في حيات الاخر
حتى نمبر 2 مش مقبول , لانو معناتو الشخص هو بديل لشخص اصلي ورئيسي
وبالتالي بأقرب فرصه ولآتفه سبب رح يتم استبدالو بالنسخه الاصليه
فـــ وقتا شو لزوم ونفع الحب والزواج ؟؟

* متى يكون القبول الجماعي رائع،،،
ومتى أكون أو لا أكون

برائي الشخصي دائما هالقول صحيح
آكون او لااكون

اما القبول الجماعي فــ بيكون مناسبا في مجال الشغل

أحيانا لو الكل تبوأ المركز الأول مش مشكلة ،، متى تكون مشكلة الخيار الأول
؟؟؟

وقت اختيار القائد او الرئيس او كابتن المجموعه
فــ لازم يتم اختيار نمبر 1 بيناتهم
واختيار افضل نمبر 1 كتير صعب بين مجموعه كلن نمبر 1

وأيضا مع رجل متزوج بـــ 4 نساء
وبيقول لكل وحده منهم انتي نمبر 1 عندي
هون بيعمول منافسه وخناقه مستمره بين الزوجات

آجاباتي ع آسئلات البارت الــــ 27 من آسئلات دكتورتنا الغاليه

**ŢαŢμαŊα** · 09-18-21, 01:18 AM

المشاركة الأصلية كتبت بواسطة الدكتورة

الظروف والوعود

* كيف نفرق بين الوعد اللي مع مقدرة وبين وعد حسب الظروف
؟؟؟

الوعد المقدور عليه هو وعد بإنجاز عمل ما او اصلاح شيء ما
اما الوعد يلي مرتبط بالظروف فـــ هو وعد محدد بالوقت
وهو شيء ليس بمقدور الانسان لآنو بيقدر يتحكم بافعالو واقوالو
بس مابيقدر ابدا يتحكم بالوقت والظروف

* كلمة الوعد نفسها ملزمة ،، والشخص ممكن يحل نفسه منها ويضع بدلا من وعد " بإذن الله" لأن فعلا الوعد ملزم
؟؟؟

فعلا دكتورتنا أفضل شيء انك تقول بأذن الله
او اذا كان الامر بمقدوري
لآنو مرات الشخص بيكون عندو النيه الحقيقية للالتزام بالوعد
بس بيفاجئو الظروف واشياء خارج عن ارادتو ... فــ ينجبر بانكاث الوعد

وفي هذه الحاله ضروري عدم خداع الطرف المنتظر
واخباره بصراحه او محاوله انجاز عمل او معرف اخر له

* أنا احلك من ذاك الوعد " متى تقولها تاتي"
؟؟؟

أذا كان الوعد بمثابة قيد للشخص او انجبر على قطع هالوعد
وكان رغما عنه او خارج عن ارادته

* متى يصبح الوعد كسيف مسلط على الرقاب
؟؟؟

أذا بدر هالوعد من قبل شخص طيب تجاه شخص خبيث
او من شخص ضعيف تجاه شخص قوى

* متى يكون " أن يخلف احدهم بوعده" ثواب وليس أثم ،، ومتى ينعكس
؟؟؟

أذا كان الغرض من الوعد امر سيء ومخيف
اة متل وعود الشباب التائهين يلي بيلتحقو بالجماعات الإرهابية
وباخر المطاف بيتراجعو قبل مايوقعو بارتكاب الجرائم

المشاركة الأصلية كتبت بواسطة الدكتورة

https://www.al2la.com/vb/2394104-post851.html

* هل معنى ذلك الحقيقة رؤية شخص
؟؟؟

حسب رائي (وليام جايمس) ... الجواب هو نعم
بس حسب رائي تاتي ... الجواب هو نعم و أيضا لا

* متى تكون الحقيقة فرضية تحتمل الاختبار ،، ومتى تكون حق مطلق
؟؟؟

اذا كان في أمور العمل او الزواج واختيار الشريك المناسب
فـــ بيكون هيدي الحقيقية فرضيه وقابلة للتغيير حسب اراء الأشخاص

اما في مجال الدراسه او الدين
فـــ غالبا يكون الحقيقة مطلقة وغير قابله للتغيير
لهيك في جوابي السابق قلت / نعم ولا كمان

* البحث عن الحقيقة أو ما بعد اكتشاف الحقيقة هو الأمر الأكثر صعوبة
؟؟؟

أكيد دكتورتنا هو اصعب جزء من القصه
لآنو بهيدا الجزء الانسان مرات ينصدم ويعرف خبريات مابيكون ع ذوقو

* ما هي مستويات الحقيقة
؟؟؟

يمكن يكونو 3 مستويات :-
حقيقة عامه / واضحه للجميع
حقيقة خاصه / واضحه لعدد معين من الأشخاص
حقيقة مخبأة / واضحه لمجالات عسكريه واستخبارية

https://www.al2la.com/vb/2404532-post866.html

* ما هو مفهوم السلبية كما تراه تاتي
؟؟؟

هو معاداة طبع البشر الاصليه المبنيه ع التفاؤل ومحبة الناس والحياة
وهي طاقة عكسية للطاقة البشر الاصليه = الطاقة الايجابية

* كيف تتعامل تاتي مع الناس اللي يعكسون الحياة هنا
؟؟؟

بحاول اختصر واقلل من تماسي واتصالي معن
وخلال تواجدي معن بس بحكي بالشغل وبس
لانو الطاقه السلبية معديه متل الوباء

* مشكلة احدهم أنه ما عنده مشكلة أصلا،، من، ومتى يكونون
؟؟؟

مافي حدا بهالدني ماعندو مشاكل
بس يجوز نوعيه المشاكل بيختلف من شخص للتاني
ومرات طبع الشخص بيكون لا مبالي لهيك حتى لو يصادف مشكله مرح يهتملا
او يحسبلا حساب ومرح يتوتر بإيجاد الحلول لالها
يترك كلشي ع الله ويقول ... البركه في الله

* الإنسان السلبي معوق يجب التخلص منه،،، أم يجب تعديل مسار تفكيره
؟؟؟

للأسف دكتورتنا ثبتت الدراسات انو اغلب الأشخاص السلبيين
متمسكيين بارائهم ومقتنعين فيه اكثر من الأشخاص الايجابيين
لهيك بصعوبه بالغه اذا حدا بيقدر يخليهن يرجعو ويعيدو تفكيرهم
فــ مابالك بتغيير مسارهم ؟؟!!

لهيك برائي أحسن حل هو ابعاده او الابتعاد منه

https://www.al2la.com/vb/2425634-post893.html

* كل أمر زاد عن حده انقلب إلى ضده،، هل هنا التوظيف السليم للمعنى
؟؟؟

هيدا كلام واقعي وسليم
لهيك خير الأمور دائما اوسطها

* والله الأمر كله ما يسوى هذا القلق ( متى تقولها تاتي)

؟؟؟

وقت بحصد ثمرة نجاحي ويتحققو احلامي
وبقطع الأشواط الصعبة ويرتاح اعصابي ومزاجي

آجاباتي ع آسئلات البارت الــــ 28 من آسئلات دكتورتنا الغاليه

**ŢαŢμαŊα** · 09-18-21, 02:03 AM

المشاركة الأصلية كتبت بواسطة الدكتورة

اتفق وبشدة ،، العمل بدون إخلاص مثل أرض جرداء تزرع بها دون استصلاح،،
وأنتِ يا الغالية خير من مثل ولا زلتي تمثلين أقصى وأجمل وأرقى حالات الإخلاص في العطاء،،
لهذا دائما أقول طالما تريد أن تعمل اختار شي تحبه لأنك بتعطي عكس الشي اللي ما تحبه راح تقصر فيه وما راح تخلص ،، ما رأي تاتي هنا
؟؟؟

الله يبارك فيكي ويسعدك غاليتي
فخوره وفرحانه بشهادتك الرائعه بحقي وبحق اعمالي ومجهوداتي
وانتي وعيونك ومشاركاتك الاروع

وبوافقك الرائي لازم الانسان يختار مجال يحبو كرمال ينجح ويبرع فيه
ويعطي من كل قلبو ويقدر يكون نموذج ناجح للاخرين

* التخصص الجامعي والمرحلي الثانوي،، أرى الكثير يصر على ابناءه تخصص معين،، والثمن يدفعه المتخصص على حساب مجتمعه ،،
هل تعاملتي مع تلك النماذج
؟؟؟

اكيد هيدول النماذج موجودين معنا وحوالينا
يا اما اهل ومعارف او اهل أصدقاء
والمشكلة انو الأهالي دائما بيعتبرو حالن وقراراتن واختياراتن هو الاصح والانسب
ويربحونا جميل بعيارة : الاهل ادرى بمصلحه الأطفال

شلون وكيف نقنع الطبيب مش لازم ابك يصبح طبيب ومش لازم مهندس و و

أفي المقابل يجبأن يقف في وجه تخصصات معينة كالموسيقى مثلا

رؤية تاتي هنا
؟؟؟

وانا واحدة من هيدي النماذج متل ماخبرتكم هون بهالاستضافات
اني من زغري كنت بعشق مجالين الهندسه والموسيقا
الهندسه كمهنه والموسيقى كــ هواية

وبوقت اهلي كانو بتمنو اني التحق بأحد الكليات الطبية
لانو معدلاتي كانت عاليه جدا ولانو اخواتي واخواني أطباء
بس حطيت اهلي قدام الامر الواقع وخيرتين بين الهندسة والموسيقى
وهني بالتأكيد اختارو الهندسه ,,, وكتر خير الله هني هلا بيعترفو انو اختياري انا كان الأفضل لالي

* كيف نحكم على شخص بالإخلاص أو التقصير
؟؟؟

متل الجنايني والمزارع يلي بيهتم بازهار واشجار الحديقة
اديش مابيكونو الازهار والأشجار براقات وجميلات ونظرات
بيعني هالقد الجنايني اهتم بشغلو

نفس الشي بخصوص الإخلاص والتقصير
يلي بيظهرو بصورة واضحه ع العمل وطرقة ونوعية أداء العمل

* لما تجد تاتي احدهم مقصر
تقوله مباشرة

وألا تستخدم لفظ لطيف لتصل له المعلومة
؟؟؟

آكيد غاليتي بستعمل لفظ لطيف
وبذات الوقت بعبارة مؤثرة وقوية بخبرو انو قصر وما لازم يستمر ع هالحال
وبترك القرار لالو بلاستمرار اذا قدر يلتزم ويجتهد ويهتم بشغلو
واذا لاء فـــ لازم يخلي مطرحو لشخص انسب

* من هو القدوة الصالحة في أي مجال
؟؟؟

القدوة الصالحة موجودة في كل المجالات وبيحملو نفس الصفات
هو أنسان عادي بقوى تحمليه خارقة
بيمتلك خبرة واسعة في حل المشاكل ومهارات استثنائية
بيقدر من خلال شغلو وعملو آن يشجع الاخرين لحتى يعطو افضل ماعندن

* كيف تكون تاتي قدوة لغيرها
؟؟؟

باحترام اراء ووجهات نظر الجميع
بتقديم اعمال ناجحه ومفيدة للاخرين
بث روح التعاون والاخوة بين الكل
والتأكيد ع العمل الجماعي والمساعدة الجماعية
والاهم محدا يقدم شي هو مش مقتنع فيه

* لمن تصح هذه الصفة مثل المطر " اينما وقع نفع"
؟؟؟

المسافر

خلينا مع الرد الجديد
،،،

بصراحه بتمنى أنو يصح العبارة لالي وبيقولوه لالي
بس في الحقيقة انو الأشخاص يلي مكرسين حياتن لمساعدة الاخرين
هما الاجدر والأكثر استحقاقا بأن ينطبق عليهم العبارة

المشاركة الأصلية كتبت بواسطة الدكتورة

* ما هو أهم زاد يتزود به المسافر
؟؟؟

نسخه من القرآن الكريم ,, خارطه وجوال

* اعرف انج تعشقين الطبيعة ،، عندج طائرة خاصة لمدة عام ،، وين بترحوين " لا تقولين مااا أدري "
؟؟؟

يامامي شو حلو هيدي الهديه ؟؟!!
يسلمو ايديكي دكتورتنا الجميله

أكيد مابقول مابعرف ... بس رح بقلك انو بكل شهر بسافر لبلد
واضاين فيه أسبوع او 10 أيام وياقي أيام الشهر برجع لمدينتي
ومن بين البلدان يلي حابه ازورهن :-
{إيطاليا ,,, فرنسا ,,, سويسرا ,,, اليابان ,,, كوريا ,,, السنغافورة
البرازيل ,,, الارجنتين ,,, المغرب ,,, قطر ,,, جنوب افريقيا ,,, ماوريشيوس }

* لو تصورنا عطر معاج في الرحلة " آآآخ قلبي" ذي الرحلة اللي ما تفوت ،، طيب نرجع لتصورنا أيش ممكن تكون مواضيع النقاش اللي راح تقترحها تاتي
؟؟؟

أكيد بدنا ناخدك معنا ياست الحسن
بتكون السفرة احلى بوجودك وبوجود نداويتي القمره

وبخصوص مواضيع النقاشات :-
ع الأكيد المواضيع يلي بتخص السياحة وثقافة البلد ومعلومات خاصه فيه

* عطر تحب البحر وين ممكن تكون وجهتكم البحرية
؟؟؟

الى فينيسيا مدينة السحر والجمال

* في السفر/ حتى في خروجي مع من أود أول شي أبعده النقاش في مجال الحياة العلمية والعملية أحب مواضيع بعيدة تماما عن تلك المجالات ،، وأكون منصته أكثر احب اسمع أكثر،،

فماذا عنكِ يا ملكة الذوق ،، أحسج تملين المكان سعادة وفرح من جاور السعيد يسعد ربي يسعدج
؟؟؟

منتحرم منك ومن ذوقك دكتورتنا الغاليه
ونحنا اسعد بوجود قمره وبدر متلك انتي وبصحبتنا
ربي يخليكي لالنا ولاهلك واحبابك

* أشياء مسافرة: هني كتار فينا نقول كل متطلبات الحضور اليومي

تحرص تاتي على اصطحابها معها : قولي شو هو يلي مابياخدها تاتي
لآنو عطول شنطات سفري معبايين بالاغراض وحاجياتي الكثيرة والمنوعه
عدا عن الفساتين والملابس , شناتي وسكربينات , عوينات و اكسسوارات ,
أدوات الميك اب والمنيكيورات حسب الواني تيابي

* تحرص على بقاءها بعيدة عنها " في المنزل": لابتوبي

* شخصيات:

يكونون مرافقين معاج بكل سفرة: اهلي كلن ,, وصديقاتي وزميلاتي

* ليتكم كنتم معي لمن تقولها تاتي وهي مسافرة: ياريت دكتورتنا الغاليه لالك ولنداويتي

* ليتكم ما جيتوا لمن: لشخص بيخرب الجو ع الاخرين بكثرة النق وكثرة الطلبات

تقول فيروز" طيري طيارة طيري يا ورق وخيطان بدي ارجع بنت صغيرة على سطح الجيران"

فما هي أمنية تاتي اللي تخبرها لطائرة ورق وخيطان
؟؟؟

آن يكون فعلا بمقدوري السفر لبدان عديدة واكتساب المعلومات
واثراء باك كراوندي واملائهم بثقافات وحضارات واهم معالم هالبلدان

آجاباتي ع آسئلات البارت الــــ 29 من آسئلات دكتورتنا الغاليه

**ŢαŢμαŊα** · 09-18-21, 02:22 AM

المشاركة الأصلية كتبت بواسطة الدكتورة

https://www.al2la.com/vb/2567363-post1158.html
كيف نضيع لنكون الأفضل كما تعتقد تاتي
؟؟؟

نضيع كرمال نبلش من الزيرو
ومنتعرف ع حالنا من اول وجديد
نكتشف صفات ومزايا جداد بحالنا
وكرمال نشوف الدني من زاوية جديدة وبعيون افتح وعقل انضج

* الضياع الحقيقي اللي يضيع الشخص ،، متى يكون

؟؟؟

بيقولو وقت العشق الحقيقي والادمان ع الحب

* هل الضياع هو " آن الأوان للتغيير"
؟؟؟

مزبوط غاليتي فينا نعتبرو كــ نهاية مرحله ما
البدء بمرحلة جديدة
فينا نعيد حساباتنا من اول وجديد

وبهذا المعنى أنا اعاني من ضياع جميل معكِ

ولك تؤبريني أنتي وحكياتك وضياعك
والله احلى ضياع من احلى اخت وصديقة

آجاباتي ع آسئلات البارت الــــ 30 من آسئلات دكتورتنا الغاليه

المشاركة الأصلية كتبت بواسطة الدكتورة

وصلنا للنهاية

ذي النهايات السعيدة
اللي تفتح آفاق لبدايات أروع وأجمل

حقيقة استمتعت وذُهلت في كثير من المواقع
رائعة
خلقا
فكرا
ذوقا
وتعاملا

ربي يعز شانج ويرفع مكانتج دوم

،،،

هنا
حيث يكون الإبداع إبداعا

مررت بكل أحب لأخت وصديقة غالية جدا على قلبي ربي يحفظها

وأقدر انشغالاتج واتمنى أن صغتها بخفة في النهاية

،،
ألقاج دوم على سعادة يا صاحبتها

تاتي
ملكة الذوق
رحلة رائعة من أجمل الرحل

الله يبارك فيكي ويسعدك دكتورتنا الجميله
واللهي انا الاسعد وتشرفت بوجودك واثرائك لاستضافتي التانيه بهالمحاور القيمه والفخمه
ومسروره بشهادتك الثمينه بحقي وبحق طبيعتي وشخصيتي ومحاوراتي
هيدا من كتر ذوقك ولطفك وانتي وعيونك الاجمل

مبسوطه ومسروره كتير بالحوار الراقي مع شخصية رائعه بمعنى الكلمه متلك
بتمنى انو اجاباتي نالو اعجابك واعجاب واستفادة زوار هالموضوع الجميل
ونشالله غاليتي نلتقي وبنطرك في استضافتي الثالثه
وتقبلي مني هيدي القهوة الصباحية وصحتين ع قلبك ياقمر

**ŢαŢμαŊα** · 09-18-21, 02:39 AM

المشاركة الأصلية كتبت بواسطة جودي

الله عالسائل والمسئول
تناغم متناسق
وكانني اشاهد مباراه لشارابًوفا وهي تجيد تلقي الكره
لتردها للخصم بثبات وثقه

امتعتيني دكتوره قلبي
شكرا تاتي لرحابه صدرك
انحاشت(((((:montaser_111:

ياميه اهلين بعزيزتي جودي
مسروره انو حوارارتنا انا والدكتوره نالت اعجابك
وتسلمي ع الوصف والتشبيه الدقيق والانيق

المشاركة الأصلية كتبت بواسطة سمو المجد

.

تاتي قولي حمدلله منتي متهمة زي بعض ناس
<<لنا الله

طيب عندي كم سؤال لكِ

كيف توفق تاتي بين حياتها والموقع .؟

شفت منك جانب حكيم عجبني
إش هي حكمة تاتي ف الحياة .؟

هل لكِ مبادئ لا يمكن تتنازلي عنها ابدً.؟

وبس والله

ياميه اهلين بغاليتي سمو
نورتي الموضوع ولعيونك رح بقول حمدالله

واجابه اسئلاتك :-
كيف توفق تاتي بين حياتها والموقع .؟

بوفق بين حياتي والمنتدى لاني من البداية نظمت اوقاتي ع هيدا الأساس
الصباح والنهار ومرات العصر / بكون في الشغل
(ومرات هونيك بفتح الجوال وبحطو ع المنتدى اذا كنت بالاوفيس
يعني مش بالموقع المشروع الهندسي لانو بالمشروع مابيكون عندي مجال)
المسا والليل / بيكون فترة مشاركتي بالمنتدى

شفت منك جانب حكيم عجبني
إش هي حكمة تاتي ف الحياة .؟

كلك ذوق غاليتي ,, سرني انو هيدا الجانب عجبك
وحكمتي في الحياة : لا تؤجل عمل اليوم الى الغد
وبطبقها في حياتي الواقعيه والمنتدى كمان

هل لكِ مبادئ لا يمكن تتنازلي عنها ابدً.؟

عندي مباديء كثيره ,,رح بذكر منها /
الاجتهاد في العمل والاعطاء من القلب
لانو العمل من ميله عباده
ومن ميله 2 يبرز ويثبت كيان البشر
ومن ميله 3 فيك من خلالها تمارس هواياتك او مجال تحب تجربها
ومن ميله 4 اذا كان العمل في مجال بتعشقو فــ اكيد رح تتميز وتبدع فيه

وربنا يوفقنا واياكي والجميع في اعمالنا ويسعدنا في حياتنا

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
	شات الرياض		شات كتابي	شات سعودي للجوال