( اغنم هذه النصائح )
قال السـبيعي في ليـــلٍ مــدلهمٍ بالظــلام
أصـحى يانايم تعـــبد قبـل القيــامة تقــوم

دنياك مهما تزخرفت تسقيك كاس الحـمام
لاتغـتر تنقلب عليك بغير الصـلاة والصوم

وحج إن استطعت من قبل لاتضكك الايـام
وطهر مالك بالزكاة واستغفر الحي القيوم

وبرالوالدين ولاتنسى قرايبك خوال وعمـام
واكرم الزوجة واهلها لاتخليها عنـك تشـوم

تصـفالك بالمودة وتصد عنها أولاد الحـرام
وتربي اولادك على الدين وتصيرهم قـروم

تمسك بصديق يسرك عندالشدايد ضرغام
واحذر من صديق الرخاء ولا تتبع الرخـوم

كــثر مــن ذكـر الله ياسـامعي على الدوام
ودوم لا تظـلم الناس واتقي دعـوة المظـلوم

واليا سافرت في سفرك راقب واحد عـلام
واجعـل سـفرك علمٍ طـيب تذْكـر به كل يوم

تراك سفير دينك قبل بلادك وافهمها لاتلام
من حــام على غــيره يأتيه منه عليه يحــوم

هذي نصـيحة مني أهديها للخاص والعام
وصـلات ربي علَى النَّبي محمّد المعصــوم
الشاعر/ حمد بن فهد المخالده السبيعي