حبيت وانحبيت وشهي النتيجه ؟؟

لا حب في وقت العناء وقف معاي

اللي احبه عذب القلب اريجه

راح وتركني في همومي وعناي

قصيد الفرح وينك .....



الا ياقصيد الفرح وينك

ابي يطلع من الافكار زينك

واذا ماجيتني تبت يدينك

وانا شاعر وغصب انك تجيني


عيون الناس نامت وانت صاحي

تعال لجلي وخفف من جراحي

وخل اللي عشقني ثم راحي

من اسبابه حليف الدمع عيني



وانا شاعر ولي في الشعر جوله

وشعري يشتعل لا صرت اقوله

يجيني الشعر يطلع وبسهوله

وانطق بس بالشي الثميني

القاسي :


وانا لو كنت على المزيون قاسي

وخليته حزين وماسألته

لكل الله فارق العين النعاسي

عشاني بس في يومن تركته

ترى والله من بعدك اقاسي

تعال وعمري لعمرك وهبته

وانا لحبك ترا ماكنت ناسي

ولا تحسب بإن الحب بعته

تجي الافكار وتلعب وسط راسي

وتسألني علامك له خسرته ؟؟

وارد اقول هو روحي وناسي

ولكنه شعورا بي وخفته

لعله بس يكتب لي يواسي

ويسمحني مدام اني سمحته

خذ ماتبي ....

الضحكه اللي* اذا تذكرتك تجيني

يمكن من الاشواق صرت احس بالفرحه

خذ ماتبي يازين لو انك تبي عيني

وقلبي اذا زعلك تامر على ذبحه

لكني اعرفك ماتقوى تخليني

وروحك عزيزه على قلبي وهي سمحه

ماكنت متصور القى شخص يغليني

الين شفت الذي* قصرت في مدحه

اللي وجوده يريحني ويبريني

لو يبتعد صاح قلبي وانفتح جرحه

فديت منهو فديته باجمل سنيني

ذاك الجميل الذي ..محلو بالطرحه

تالله....

تالله ماكنت ناوي على الفرقا

واللي حصل شي ماكان في بالي

عيوني اليوم من دمعها غرقا

تعال شف كيف سويت في حالي

ان غادر الحب والاشواق وش يبقى

ياكيف باعيش وقلبي دونها خالي؟

عليك روحي دايم الدوم شفقى

وانتا عزيزن على شاعرك والغالي

مشاعري ياهوى الايام لك سبقى

تسابق الطير ذا في جوها العالي

وانا حريصن على حبنا نبقى

وانت الغلا واغلى من الكنز* والمالي

شعوري انفضح.....



تبي ردي من شعورا كتمته

وانا ساكت احاول ما أبين

ترا شعري لغيرك ماكتبته

اذا تبغى صحيح العلم بين

وانا في حضرتك قلبي وهبته

وش اكثر من فؤادي ياحنين

لك الله ان راسي اليوم جبته

ولو انه عنيد وموب هين

شعوري انفضح واليوم قلته

فنا ارجوك راع شعور لين