|
ما بانت سعاد ..! أسعد الله قلوبكم بكل خير حصرية أتمنى ترتقي قلوبكم * * * يا صباح الخير من بعد الرقاد :icon17: يا صباح اللي صحى وده ينوم :MonTaseR_192: يا هجوسي لو بقى للشعر زاد ابتدي هالحين لا تجلس تصوم لا تظل واقف على خط الحياد ودك تشـجــع :869: و تلعب في الهجــوم ⚽️ لا متى والصمت سيد الاعتقاد ؟! والحروف تنوح لك في كل يوم وانت فارس معتلي ظهر الجواد حن سيفك من دماء تلك الخصوم ولا تقول اليوم ما بانت سعاد نعمت الحب المصفى ما تدوم « ما تشوف من السواد الا السواد » لو هو ليل ليلها ابلا نجوم البقى بالود ما اقول المزاد ما أرخص الغالي مقابل اي سوم دامها بعض المسائل إجتهاد لا حكم شرعي ولا نص امختوم كيف ابنساها وهي كانت ضماد للجروح وكل احزان و هموم كيف اهونها وكانت لي مراد رغم كل اللي مقدر وامقسوم هو صحيح الحب ثلثينه بُعاد وثلث آخر للفرح باحلى قدوم وانا بُعدي حاتمي يجزل وجاد كما خذا مني سنين بدون لوم هي كذا مرت علي سبعاً شداد وينها السبع السمان وخير دوم ما لقيت لصادق إحساسي بلاد ودي احلق و اسكن في الغيوم وأفرد اجناحي وانسى للعباد واتنفس من هوى تلك النجوم لـ الـولـه . :x117: |
طبعا للوله حرف الوله وقاف الوله صح صح لسانك شاعرنا الغالي هي كذا مرت علي سبعاً شداد وينها السبع السمان وخير دوم يالله ما اجمل هالبيت تبيعه يالوله ههههههه إمبراطور الشعر لاخلا ولا عدم |
ال وله ياخي انت شاعر جميل وراقي صح لساااااااانك مليون ولا يكفون ابدعت لله درك من شاعر يختم ل3ايام مع التقييم والايك |
إذا كانت هذه القصيدة مكتوبة بين الصحوة والنوم والتركيز مش كامل فما بالنا بكل الذهن إن حضر لا أبالغ أن قلت إذاً شهد لك وادي عبقر بشاعريتك ربما سعاد لم تبن لكن الأكيد أن قصائدك سعادة كبيرة لجمهورك وإن لم تنل السبع السمان وتسأل وينها ؟؟؟ عنا عيب هذا السؤال وكل بيت من الثقال إن من أغراض الشاعر "الفخر بذاته الشعرية" وإن جينا لشاعر لا يشبه إلا نفسه يحق له وصحيح لا اكتب الشعر لو فكرت يوما بكتابته وشفت نوابع المفردة تلاشت كل كلمة واستخفت حياء حتى لا تكشف سر ضعفها عند سادة الشعر لكن يحق لي أفخر لما أقول لنفسي من يعيش مع كلمة كلمة وحرف حرف من قصايدهم مثلي هنا فقط أشعر بنعمة أن تحيا تلك القصائد النابضة وسعادتي برفقة تلك الفرائد وهاجسك دايم هجوم وجمهورك مشجع أكيد الحياد للاختيار والتشكيك شاعرنا الوله أنا من مشجعي روائعك دوم عارفة أني ألعب على المضمون ولي عودة هنا أكيد لرائعتك |
واااااو وش نقتبس وش نخلي يالوله ؟ لكن أشهد انت .. انت وانت فارس معتلي ظهر الجواد حن سيفك من دماء تلك الخصوم الفصيده معزوفه تطرب من يسمعها من أول حرف لآخر نبض صح لسانك وسلم بنانك وصحصح زين ننتظر الكااايده :) |
من عوايدي اذا قريت شي حلو مره ابكي ^_^ ابكيتني يا وله نص يقرا بكل الحواس دمت ودام لنا شعرك نطالب بديوان والله واول نسخه لي بعد اذن الملهمه :m9: |
| الساعة الآن 01:56 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا