شــعـــور المــوادع ..!
 

‌




الحقيقه إني أعيش إنسان ميت في هواه !
لا رحم حالي ولا يقدر يكون إنسان ثاني !!


والله مدري ويش نهاية صبري وحلمي معاه
وهل يزين الحظ والا يظل في اطباعه اناني

حزن صدري حزن راقي لا وعالي مستواه
يشبه اشعور الموادع والحزن بأقصى المواني

و

و


الدرب موحش وانا واقف مكاني
والله اني تعبت من روحه وجيه


ليت لي صدرٍ مثل هالصدر ثاني
كان اخفف من معاناتي شويه


ما تعبت الا لتحقيق الأماني
والأماني وين !؟ مدري وين هيه !


صرت انا المجني عليه وصرت جاني
كيف آخذ حقي من روحي عليه !؟

انتفض فيني الشعور اللي احتواني
وما لقيت الا الشعر أحلى هديه


لا تلوموني وعدوها عشاني
مو بيدي/ والليالي سرمديه

و

و



كل ماضي مر عمري مر و احزانه شقيه
لو أماني العمر كانت تمتلي منها المحاني

لو تبسمنا لجل من كانت احروفه نديه !
غيم هذا الشعر منه تزهر أبيات و معاني !

الغريب اللي يعيش بوسط غربه سرمدية
شاخ صبره وانحنى ظهر الموادع في المواني


سجلوا في صفحة الأيام للعالم وفيه
من خسر حلمه يعيش إنسان لكنه يعاني




لـ الـولـه .

الله الله

ماهذا الجمال شاعرنا ال وله

ابداع على ابداع

وينك من زماااان ياخي هههههه


صح لسانك وسلمت ولا هنت



يختم ل3 ايام مع التقييم والايك

يااامرحبا بـ المتفرد شعرياً
شاعرنا الجميل الوله
الشاعر الذي يختصر الفكرة في بيت
ويضيف لها من عواطفة المتالقة
هو شاعر محترف
صرت انا المجني عليه وصرت جاني
كيف آخذ حقي من روحي عليه !؟

تسأل جميل أخي الكريم
نص يليق بعودتك

صح لسانك :ah11:

.


حزن صدري حزن راقي لا وعالي مستواه
يشبه اشعور الموادع والحزن بأقصى المواني

.

الله الله .
مازالتْ عناقيد حروفك أخي الكريم تتدلّى حكايات
الجمال من أسطر الإبداع .

صح السانك وسَلِمَ بنانك.
شكراً لك.

.
.

نص فخم جدا
المفردات تنصاع لك كيفما أردت وتلقى شعورا يملأ هذه الحروف بلاغة وجمالاً
صح لسانك على هذا الجمال الشعري
بانتظار جديدك