بمناسبة الكلام عن رؤية الأعضاء وتجسيدهم عن طريق كلامهم وأفكارهم وغيره :


المهم كنت في منتدى ...طبعًا كلها على بعضها منتدى اثنين اللي كنت مشارك فيها ..الأول تقفل بسرعة والثاني جلست فيه فترة كويسة لين تقفل وبعض الأعضاء هنا جايين منه..وأنا منهم ..


المهم يوم كنت في المنتدى الأول اللي تقفل بسرعة ....أرسلت لي وحدة صورتها الحقيقية وهي جالسة في مكان عام وعلى ما أعتقد في مقهى في مكان عام ...

وكانت في دولة أوروبية وتشتغل فيها في مسنشفى ......طبعًا هي عايشة فيها .....حتى شكلها الخارجي مثلهم شقرا بقوة وعيونها ملونة ..ولو ماتتكلم عربي في المنتدى راح أقول انها مش عربية...طبعًا قالت لي بعد ماتشوف الصورة احذفها ...وعلى طول حذفتها ...


ممكن البعض يقول ممكن أرسلت لك صورة مش صورتها ..

وانا أقولك : هي صورتها الحقيقية ..ومتأكد من الشي هذا ...من خلال أشياء مش عارف كيف أشرحها لك ...



وبرضه ممكن البعض يقول إيش اللي خلاها ترسل صورتها لك على الخاص .؟!

الجواب : كانت فيه مناسبة لإرسالها للصورة ...بس بصراحة ناسي ايش المناسبة ..يعني الشغلة ماجبت من الباب للطاقة ( الشباك ) ..




وبرضه ممكن البعض يقول هل أخذت عنها فكرة مش حلوة لانها أرسلت صورتها ..؟


الجواب : لا ...لأن عندهم الأمر عادي جدًا ....ومتصورة في مكان عام قدام الناس....الأمة اللي في الشارع كلهم شايفينها على الطبيعة ..وماوقفت علي أنا اللي بس شايف صورتها على الشاشة .....وبدون شك هذا الشي مايبرر لي انه حلال رؤية صورتها ...

وزي ماقلت قبل قليل هذا الشي أكثر من عادي عندهم ... بحكم انها عايشة برا ومتوظفة هناك ...وممكن برضه مولودة هناك ...و سلوكها في المشاركات داخل المنتدى عادي مافيه شي ملفت للنظر ...طبعًا انا لي الظاهر منها ..وأما في حياتها الحقيقية مدري عنها ...وعلى فكرة ما أبرر تصرفها هذا ولا أحلله ..



وبرضه فيه واحد من الشباب قالي أرسلي بريدك ...عشان بنتعارف زيادة برا المنتدى ..وقالي هو شغال في الطيران وإذا احتجت شي راح يخدمني ...

طبعًا مارديت عليه ..لأن بصراحة مدري وش أقوله ..احرجني ....بغض النظر عن كل شي ..





خلاصة كلامي :

صداقات وتعارف عن طريق المنتديات وغيرها من مواقع التواصل ..أخاف منها ..ماعندي جرأة ...

مع العلم ان كل اللي احتكيت فيهم كانت أخلاقهم كويسة أكثر مني ومحترمين ... ولكن السبب مني أنا ..لأني مش من أهل الصداقات والتعارف عن طريق الشاشة ..ماعندي جرأة لأني خواف ...



والشي الثاني اني مخربها مع أهلي لأني مشارك في منتدى مختلط وهم ماعندهم علم .. لأنهم يرفضون المشاركات في المنتديات المختلطة حتى لو كانت أخلاقهم كويسة ....فما أبغى أخربها زيادة بالتمدد خارج المنتدى حتى لو اللي أنا متعرف عليهم أخلاقهم زي العسل ...أخاف ...


ممكن البعض يقول : أنت مكبر الموضوع ومايستاهل ...وتخاف بزيادة ...

وأنا أقولك : بصراحة أخاف من كل شي على الشاشة ...لدرجة ان فيه أعضاء ما أقدر أحط لهم إعجاب ( لايك ) على مشاركاتهم في المواضيع الإجتماعية ..لأن كلامهم في المواضيع السياسة فيها جرأة كبيرة تخوف ....لهذا السبب ما أقرب من زر الإعجاب في كل مشاركاتهم حتى لو كان الواحد منهم يتكلم عن الطبخ ....

أما البنات أحيانًا احط إعجاب لبعضهن ...لأني أخاف ان كثرت إرسال إعجاب ( لايك ) لمشاركاتها ..تفكر اني جالس أكسب مودتها لغرض في نفسي ...لهذا السبب أخاف من كثرة إرسال إعجاب لهن ...









......

رومانس جاي ولديه مايقوله بعيدا عن زخرفة الكلام والمثاليات المصطنعه كما وجدتها في اغلب الردود..
واضح اني متحمس بس خلوني اتغدى واتفرغ لكم..

ماله داعي تستأذنين في قسم الحوار والنقاش ......

وطبعًا وليد ماراح يتضايق لو علقتي على أي كلام مكتوب هنا .....




خلاصة كلامي :

كثير أسمع كلمة ( بعد إذنك أبكتب.. أو بعد إذنك أبعلق .. أو بعد إذنك مدري إيش )...!!!

ياجماعة الخير قسم الحوار والنقاش وكل المنتدى ...اكتب فيه براااااااحتك ....ومايحتاج تقول اسمحلي أو بعد إذنك ...حتى لو كان من باب البرستيج لحد يقولها ....


الناس داخله المنتدى عشان تكتب بكيفها وبراحتها ....فالأمر عادي حتى لو طلع الكلام على الردمية برا الزفلت ....بشرط يكون في حدود الأدب وغير مخالف لأي شي غير مرغوب فيه ...




المهم ياوليد كبر الوسادة وحنا نتولى القيادة عنك هههه ..(( ارفعوا الأشرعة يارجااال ..بصوت سلفر ..

لا لا جد انا هنا اتفق مع الخواف
انا كنت زيك ي مسك
مو في ..... المعروف
بل في منتدى ....
عفوية وهنا وهناك
احسب الناس تفكر زيي
وكنت كل فترة وأخرى
انبههم انه طريقتي العفشة كذا بالكلام
ما يهمني مين الي قدامي
انا اضحك وامزح بأحترام وبس
وكنت ولازلت الله يهديني
اتساهل بالكلام مع البعض
لأني سبق وتعاملت معهم وما اسآءوا الظن فيني
لكن تعرفي
خلا البعض يظن انه شيء عادي بالنسبة لي
فتجدي شخص غريب او لسى مسجل جديد
او ما يجي ساني عندك ع الخاص
وفذاك المنتدى مافيه تقاييم او رسائل عامة
فكان الخاص مفتوح واصل عندي
وهكذا دخلت في متاهات بعيدة كل البعد عني
ما بقولك انه الخطأ خطأهم او شيء زي كذا
لا الحقيقية انا اتحمل اغلب المسئولية والخطأ
لذلك حذفت وقفلت عضوياتي كلها هناك
رغم اني تعلقت فيه كثيير
ولي فيهم أحباب كثير
بس حسيته مكان قذر
واذا بقيت فيه بخسر من نفسي وقيمي الكثير
الخلاصة
بالمنتدى ما تعرفي مين خلف الشاشة
ربما مريض
مهووس
طفل
هبلا
اي كان
يبقى خط احمر لا يجب أن تتجاوزه
مهما تباسطت

امم بالنسبة للسرية ي الخواف
اعتقد وغالبا كلنا
لانه فيها