السلام عليكم ورحمة الله وبركاته
موعارفه من فين حبدا بس للامانه تعبت زوجي واخوي دايما بمشاكل وربي حاسه لو تطلقت اخوي السبب تخيلو لما اجي زياره لأهلي زوجي ينزل يسلم على امي تخيلو اخوي يكون موجود يرمي كلام عليه هوا ساكت مايرد عليه تخيلو مرا طلبت حليب من زوجي لولدي طبعا اخوي دا الكبير قايل لأخواني لاتجيبون شي لولده قلت ترا دا ولدي وانا اختكم يقول انتي قبلتي فيه احنا مو راضين قلت وبابا وماما راضين وانا رضيت انتو شدخلكم قال دام اشدخلنا كلمي زوجك يجيب له حليب قلت حيجب بس ماترمي عليه كلام ترا ساكت عشان ماما زوجي جاب الحليب دخلتو المجلس قلت صبر حجيب القهوه لك اخويا قال القهوه لمين قلت لزوجي قال فينو قلت بالمجلس وان تكلمت عليه ماحيحصل طيب ناظر فيني قال يعني اش تسوين قلت حكلم عمي يربيك انتا صاير قليل ادب بعد بابا ماتوفى قال كلميه طبعا عمي دا اخو ابويا مرا شديد وابويا قبل مايموت وصاه علينا امي سمعت كلامنا قالت روحي بيتك تبغين المشاكل قلت انا جايه لك زياره هو اشدخلو مالو علينا راي طبعا لسانو وسخ وانا رايحه اودي القهوه للمجلس ماشي وراي يرمي كلام مادريت الا زوجي طالع من المجلس ساحب اخويا من رقبتو رميه على الارض قال انا ساكت عشان عمتي وعشان ابوك الله يرحمو وعشان اختك من اول ساكت لاكن من اليوم ورايح لو تقول حرف حدعسك وقام منو قال لأمي انا اسف بس ولدك انتي شايفه تعاملو معاي زوجتي ماحتجيكم متى حتشوفيها كلميني انا اخدك لبنتك اما كدا ماينفع يشتمني عند ولدي ويضرب ولدي ورحت مع زوجي واذا في مناسبه اخويا مع اولاد عمي يتكلمو عليه وهوا ساكت طبعا بتسالون ليش اخوكي يسوي كذا طبعا زوجي من جماعتنا من عيال عم ابويا من زمان بينهم مشاكل طبعا ابويا كان كثير يمدحو عشانو شخص ناجح متفوق بمجالو وكثير ابويا يحبو وكان اذا جلسنا على سفره كان ابويا يقول لأخوي صير مثل ولد عمك صالح مافي احد من عيالي صار مثل فلان طبعا اشوف ابويا كثير يمدحو لمًا تقدملي وافقت عطول وهوا طيب معايا وربي مرا محترم صار لنا سنتين ولا مرا عصب عليا هادي وطيب مرا تكفون شوفو ليا حل تعبت من المشاكل ولدي صاير يحب عمانو اكثر من خوالو