أشغل البال ليل مكتسيه العتام
و امتلى بالشعور اللي عجزت أستره
كيف ابنزع عباة الخوف عني و أنام
كيف ما اسهر و انا الم العشم و انثره
فاقد شخص لو يكثر عليه الملام
ما كسر من غصون الظن غير اخضره
كان الاحلام والماء والهوا والسلام
لين ما اجتزني فاسه و انا اتشجره
كان كل الوجود اللي في عين العدام
كان كل الخطا اللي ما قدرت أغفره
يلمس البال لمسه للجروح القدام
وأتلمس في صدري ضحكته و اعذره
كيف بمحيه من صوتي! وهو الكلام
كيف ابنزعه من جوفي! و انا أتعثره
علق النور في آخر حدود الظلام
ولا ترك من حنين الليل غير اقشره
صد عني وانا مدري وش الانهزام
و انتهينا و انا ما كنت ابي أخسره
ليت الاحلام ماتت في كفوف المرام
و لا اثقلت متني بمشروه ما يقدره
ما استغلت عمی عيني و ليت الايام
فوداعه عزيزة مقام قلبي قبل تكسره .

دام الحشى بيتها وأنا مدلّعها
وش دخّل القلب يزعل يوم توجعني ؟

ضيدان `