ماراف خلي أريش العين ما راف
في واحد(ن)يا ناس مايوم باعه

ماخاف ربه فيني اليوم ماخاف
مقهور من وضعه وسيء طباعه

أدري بإنه مايتعامل بالإنصاف
وأشوف وضعه يختلف كل ساعه

أسرفت له من حبي الجم إسراف
ووهبت له قلبي وعمري وداعه

لكن لقيته في المحبه معي جاف
وأشوف إنه مستمر ابخداعه

صحيح طاف العمر في عشرته طاف
وأستاهل إللي صابني باتباعه

ياليت ماشفته ولا هو بعد شاف
وارتحت من حب(ن) رأينا ضياعه

أهيم في بحر الهوى دون مجداف
ويضيق بي كوني برغم إتساعه

واشوف ماعندي أبد أية أهداف
من بعد حب(ن) ضامني إنقطاعه

إشتقت له والدمع نازل وذراف
وحبه ذبح قلبي وزاد إللتياعه

لكن أبد مارجع وقلبي ترا عاف
ومن عافني عفته وهذي قناعه

اهلا بك عبق

تشرفت بمرورك العذب وكلامك الجميل

تواجدك سعادة

بوركتي

صح بدنك

شكرا لك على تواجدك الرائع

بوركتي