الشوق ما يكفيه كلمه او اشعار ...
الشوق رجفة خافقي يوم يطريك ...

لامر طيفك يعزف القلب اوتار ...
يفرح بطيفك دون ما يلمس يديك..

،.

"من أطراف الحديث الهادي المستور
تمادى حرف حررني من سكاتي

سلامك لو عليه من السلام قصور
سرق من رحلتي مجمل ملذاتي !

تفاصيلك تمر جداري المكسور
دفاتر بللّتها .. حاتميّاتي

ملامح ذابله في صدري المهجور
كلت وجهي ولا عانت معاناتي

ومن غيرك ضياه بغيهب الديجور
تخضّر له عروق إحساسي العاتي

طفت نجمه ونجمه تنتظر بالدور
تسولف للسما عن حزني لـ ذاتي

إذا مات الغصن من يحضن العصفور ؟
وإذا باقي صدى من يحضن أبياتي ؟

تعال وخل كل اللي يدور يدور
تبعتك ليه ماتقصر مسافاتي !

من المخطي إذا كان الخطا معذور ؟
ومن غيرك تسافر له نداءاتي !

أحبك والمكان اللي ملاه شعور
بدا يعتب على دمعي وخطواتي

قبل تجرح تراك مقدّر ومشكور
على الجرح القديم وجرحك الآتي ..!!"

كنا بلا جنحان و اليوم طرنا وأثر السما ياصاحبي عجّ و غبار
ياما حلمنا نكبر ، ومن كبرنا صارت أعزّ أحلامنا " نرجع صغار "

'
تعال عانق في ( مسا الحب ) روحي
خل ( المسا ) يرتاح في ضم روحين
.
خله يزيح الصمت عن صدق بوحي
وأحكي لك اللي في خفوقي من سنين
.
.