،.

أنا “ حديث أمسك “ بريق أمنياتك
وانا “ تفاصيلك “ وغيري عناوين

وانا “قصيدي” ينكتب في حلاتك
حرام اسوقه في عتابك دواوين ..!

.

والله أن أكبـر غنـايـم الدنيـا .. أهــل
‏لو تنطـوي الدنيـا فرشـوا لي غيرهـا

.

:


"يطيح جفن الليـل واهـز كتفـه
يفز نجم ، وباقي الليـل مطفـي

واحاكي الجدران عن مثل غرفـه
ماتشبه الجدارن ويطول وصفـي

وتملني الجدارن واظهر لشرفـه
تحت السماء واسكر الباب خلفـي

ليت الشوارع تجمع اثنين صدفـه
لا صار شباك المواعيد مجفـي

ريحٍ تهب وتسكن العظـم رجفـه
وتموت ريح وتسكن اوراق نزفي

على الروابي تهطل دموع وطفه
ويصب لمع بروقها وسط طرفي

ياطاري الغدران ، والعمر رشفه
مع قلّها ، ياليتها يـوم تصفـي

الحب واجد مير الأقـدار صلفـه
والارض واجد لكن العزم منفـي

والي اعرفه راح مانيب اعرفـه
ولااظن يذكرني اليا اقبلت مقفـي

ماهو حبيبي مورد القلـب حتفـه
ولاهو حبيبي يفرح بوقت ضعفي

مُّر ثمر هالليل ، وامـر قطفـه
يالحنظل الي صرت اذوقه بكفي

هذا وتّو الليـل مـاراح نصفـه
ياليل بعض اللي مضى منك يكفي"