لا طاحت الخوه تبين العذاريب
تعرف قراح البير ولا هماجه

yبعد عن الي لازعل ينكر الطيب
الي تقلّب خوّته مع مـزاجـه

' نقدر ندّق الصدور وندّب الجاهل
وفينا من الجود والشيمه ما يكفينا

أن دار فيك الطريق وثقلت الكاهل
في مقدم الصف .. تعرفنا بـ أسامينا

كان أنت طيرٍ يحوم ويدرك الساهل
حنّا الجبل والبحر والموج والمينا

ياقلب .. ! لا تحزن على .. فلان وفلان
أنا ماخليتك .. للاحزان . مخزن ..!

أنا مليتك .( صبر ، وأحباب ، وإيمان )
مافيه أحد يقدر يخليك .. ( تحزن ) ..!

معوّض خير يا حي تهقوى في الزمان ومال
سنينك لو رقيت بعدلها يطرحك مايلها
تعلّم واعرف إن الدرب قدامك سهل وجبال
جبال تطولها وجبال بعيونك تخايلها
ومعوّض خير يا حيٍ وردت الماء بدون حبال
يطول بك الوقوف وشربة الماء ما تحصّلها
وقوفك عند راس البير مايسقيك لو فنجال
ولا ينفعك شوف الجمه اللي منت طايلها
ومعوّض خير يا حيٍ خدعك من الرجال أشكال
تشوف أشكالها وتحطها أرفع من منازلها
تعلّم من زمانك لا تصير من أجهل الجهال
ترى في كل يوم تجيك عبرة لا تجاهلها
إذا ربي وهب لك عقل تلقى في الرجال رجال
تعرف اللي يطلّع قيمتك واللي ينزلها
ترى من بعض ما يندي الجبين ويحرج الرجال
ليا ساق الميانه في نفوسٍ ما تقبّلها
ومهما شفت في صاحبك من نخوة وطيبة فال
ترى بعض السجايا كثرة الإلحاح يقتلها
معاريف الرجال ديون وديون الرجال ثقال
ليا صرت متعافي ليش تغرق في جمايلها