*





ما نسينا الود او ننسى الجميل
قاتل الله من نسى عشرة رفيقه


لا تصدق كل غاوي او دخيل
لو هم اللي مثلوا دوله عميقة !!


ينعرف طابور خامس ذا عميل
ما فيهم اللي يلتزم بأية وثيقة


يقتلوا الواحد و يرثون القتيل !!
الرقيق اللي يشجع له رقيقة !!


وكان والله قلبك يحط و يشيل !
لو نسى ملح الصداقه مع صديقه !!


ما نعاتب كل قلب ولو يميل
للزمن موعد بكشفه للحقيقة !!


والأمل باقي ولو انه ضئيل
يختنق بظنون تتنفس شهيقه !!


عادي جداً لو تطيح ابلا بديل
- ليت والله كان في شيءً يليقه -


وكل معدن يتضح لو بعد جيل !
حظ من هو يعرفه بأول دقيقة !!


كم وفينا دون ننظر للحصيل !
وكم عطينا دون ننظر للخليقه !!


والشعر ما كان ضمن المستحيل !
عندي أسهل من خروجي للحديقة !!


موهبه / وراثه / نجي نفس الفصيل
دون نتصنع يجينا بـ السليقة


كل بيتٍ أكتبه دمـــه أصـيــل
ما تخالط في عطوره او رحيقه


عقد مر من الزمن وانا جزيل
صايغ احروفي مثل أجمل عقيقه


قادر اصوغ المعاني سلسبيل
وقادر اشعلها و ولعها حريقه


(هي) و انا "صاحب الظل الطويل" !!
( القصيدة ) والعلاقه بي وثيقة




الـولـه .



















*