للحين طاريه ما قد غاب عن بالي
وللحين حبّه ضفاف القلب محتلّه

‏صحيح غايب ولكن ماني لحالي
معي قصيده وطيفه دوم ماملّه

يصب في لب قلبي يعبر خْلالي
يروي يباس الحنايا واهتني ظله

يلملم شْعور مثل الوبل همالي
وينثر تفاصيل شوقي دقّه وْجله

يطيح كثر الحطب لا من تعنّالي
لانه بوسط المحاني دايم مْحله

احب اشوفه حبيب اقرب من ظْلالي
صار البعيد اللي اظما وانتظر بلّه

"يا غايبٍ عن مدى شوفي" ترا حالي
ما بين ذكرى لياليك السهر كلّه


بسمة