|
إضافة رد |
| LinkBack | أدوات الموضوع | انواع عرض الموضوع |
02-17-23, 06:55 AM | #1 | ||||||||||||||
بحة غياب
|
باب المودّه … حصرية * * بعدما طالت بي المده على باب المودّه امتكتّف واتحرى فتحته ثمٍ دخولي افتحه حظي ووقف فيه يرقبني لمدّه كنّه يسوم الغرام اللي بصدري من نحولي كان يقرى في سكوتي غصّةٍ مرّه وحدّه حدةٍ خلتني أطلع .في نظر مثله. فضولي قال:حيّه.. قلت:حيّه.. وابتسمت ومد يدّه جته يدّي مثل طيرٍ مطلقينه من قفولي يوم قلطني وأنا في مجلسه والوقت أعدّه تكتكت عقرب ثواني ساعه .. وصبرٍ بطولي كان للمسباح في راحة يدي روحه و ردّه وارتعاشة خوف غامض من غموض الوضع حولي لين جتني بنت .. كن بمشيها قومه وهدّه وانتهضت وكل خوفي من سحاي..يطيح طولي وأثرها خجلا حياويّه .. تحسب السّين شدّه قلت يالبيه يا( عاد اسمها .. لأ .. إسمحولي) ! صالحتني مع هناي ورجعتني للمخدّه وأثقلت متن الخفوق بحبها وإلتاع قولي من غلاها صار قلبي يعلن إن هالشي ضدّه لا غدى هالشي شيٍ غيرها .. لو كان زولي حبها توه صغير والبلا لاعاش مدّه.. وين أشيله وهو واصل لين راسي من رجولي؟ شكلها لا طالت المدّه وأنا في هالمودّه بأتكتّف عند باب قليبها وأنطر دخولي ! * * | ||||||||||||||
|
02-17-23, 12:47 PM | #2 | ||||||||||||
| طلبتك : تكتف عند باب قليبها واجبر بخاطرها ولا تكسر فيها إحترافية المزج بين الخيال والمشاهد التصويرية .. بطريقة سلسة جعلتني أعيش تلك الأجواء المبهجة . كل المودة والتقدير | ||||||||||||
|
02-17-23, 12:54 PM | #3 | |||||||||||||
|
كان للمسباح في راحة يدي روحه و ردّه وارتعاشة خوف غامض من غموض الوضع حولي ... الجميل أنا فداهم الوصف بالنص بديع وتوظيف الفكرة بالابيات رائع نص جميل واكثر مرحبا بهكذا عودة | |||||||||||||
|
02-17-23, 03:10 PM | #4 | ||||||||||
بحر القصيد
|
اهلاً بالجميل انا فداهم واهلاً بهذا الشعور المرهف والحرف المترف وصح لسانك ماحييت ابيات في غاية الروعه والجمال بحراً وقافية ومعنى ومبنى طبت وطاب هطولك الندي ودام مداد حرفك العسجدي لقلبك قوافل مسك وعنبر | ||||||||||
|
02-17-23, 03:32 PM | #5 | ||||||||||
بَاهيّ الخد.
|
' وأثرها خجلا حياويّه .. تحسب السّين شدّه قلت يالبيه يا( عاد اسمها .. لأ .. إسمحولي) ! إجتمع غيرة شاعرية واحساس شاعر صح لسانك .. كل شطر يتباهى بِ روعته لا هنت | ||||||||||
|
02-17-23, 04:10 PM | #6 | ||||||||||
|
شكلها لا طالت المدّه وأنا في هالمودّه بأتكتّف عند باب قليبها وأنطر دخولي ! قصيدة جميلة صح لسانك | ||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||