|
إضافة رد |
| LinkBack | أدوات الموضوع | انواع عرض الموضوع |
03-09-23, 05:51 PM | #1 | ||||||||||||||
بحة غياب
|
( نـــزوه ) ! ~ حصرية * * أمانه يا نديبي ..لا تعاتب.. والفنا حروه وحزني قبل لا يدمي عيوني مدمي أطرافي من اللي صدّ عني يوم صار الشوق له ذروه هدم ساس الجبل وأنا أصيح , ويرجع هتافي سقا الله يومي أمسك من كلامه بالزعل عروه وجيته بالكلام اللي مسكت وقال : ( مو كافي )! يقول إنه قبل شاعر .. وانا اللي حاذي حذوه ! وقلت: اسلم.. ولو تبغى تبعتك فالخلا حافي ! وقال أهم حاجه فـ القصيد الفكره الحلوه وقلت أكيد حلوه دامك أنت الفكره بقافي ! سكتّ .. ثمٍ تنهّد .. ثم قام وعجّل المشوه وبعد مشوته هذي ما أخبره إلا وهو جافي بنى لي قصر حزنٍ شامخ خطوه ورا خطوه يطول البعد ويطول الحزن و يطاول أكتافي وراح وحبّ غيري والغبينه انها (( نزوه )) ! ياليته كان صادق .. كان أقول إنه غدا وافي! أنا من كثر ما جالي معه ماعاد لي هقوه على جال الحياة أعبث برملي والحطب طافي وأنا ما قلت عن نفسي جواد وطيحتي كبوه أخاف أقولها والحظ يدبر .. وأفقد إنصافي وأخاف أقول عن نفسي جريح مالقى نخوه ولا أسلم من عتابات الخلق .. يوم القهر خافي! حشا ماهوب أنا اللي تهدمه من داخله جفوه ولكن وقتي أغرقني طعون وكنت أنا غافي ولاهي غلطتي يومي خذيت من التعب غفوه ولكن غلطتي يومي غفيت وطيبي لحافي ! صحيح الحب خلّا في يسار الصدر ذا فجوه ولكنه يهون قبال شيٍ حطَّم أهدافي … أنا اللي ملّ يحسب كل من يضحك معه نقوه ولكنه عجز يلقى من النقوه حدٍ يافي ! أمانه يا نديبي قل لها اللي غيبته بلوه يجيني يظلم و يشكي ويجرحني ويستافي غديه يردّ قلبي في محله .. وإن هفا هفوه سكبت له القصايد والعتاب الدافي الصافي وإذا عيّا لا يرجع .. وش تغيّر والفنا حروه ؟ بموت .. وسامح الله كل همٍ عاش بأطرافي . * * | ||||||||||||||
|
03-09-23, 08:05 PM | #2 | ||||||||||
بحر القصيد
|
الله الله صح لسانك وفكرك ياعذب عقد فاتن تجلت فيه جواهر نفيسه تغيب ثم تأتي بفرائد الشعر طبت وطاب نزفك وعزفك وجمال حرفك تقبل اطيب التحايا | ||||||||||
|
03-09-23, 08:23 PM | #3 | ||||||||||||||
بحة غياب
|
أهلاً بالشاعر العذب وارف غيابي كان لأعراض صحية لا غير صح بدنك يا غالي و مرورك وسام على صدري لاهنت يا عذب | ||||||||||||||
|
03-09-23, 09:39 PM | #4 | ||||||||||||
مَشَـآــآــآعِـر~شَـآــآــآعِـر
|
صح لساااااااااااانك ياجميل الحرف قصيده راقت لي جدااااااا ابدعت ايه بالله بوركت وبورك الفكر يختم ل3 ايام مع التقييم | ||||||||||||
التعديل الأخير تم بواسطة أعد النجوم ; 03-09-23 الساعة 10:40 PM |
03-09-23, 10:38 PM | #5 | ||||||||||||||
بحة غياب
|
صح بدنك يا بديع المرور لاهنت على الإشادة الإبداع منبعكم شكراً من القلب | ||||||||||||||
|
03-09-23, 11:45 PM | #6 | |||||||||||||||||||||
|
ماهذا الإبداع شاعرنا الرائع أنا فداهم ! ليست نزوه بل ثورة مشاعر عملاقه وهنا ..
فليأتي ويشكي ويجرح ويستافي أبدعت كالعاده لاعدمنا هذا الحضور والهطول العذب ،، | |||||||||||||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||