ما يفيد اليوم يا شعري على الغايب حسايف
والزمان اللي مضى مِنَّا مُحال إنَّا نردَّه


جاني اللي طول عمري كنت أنا أخشى وخايف
والقدر لا جاك ما لِهْ قوِّةٍ تقدر تصدّه


هات يا شعري بيوتك جسِّد اللي أنت شايف
واللي يجرح كبريائي طالِبَك يا شعر عَدّه


رغم إن الحال واضح ما يبي دِقَّة وصايف
والبحر ما يجهله من هو عرف جزره ومدّه


قصتي في وسط صدري خلف قضبان النَّحايف
في سويدا القلب تسكن والمشاعر مستبدّة


لا أمل في قصتي ممكن ولا للحب طايف
جيت من أقصاي للي للأسف مو مستعدّة


ليتها صدت فؤادي ما بدتني باللَّطايف
ليتها لحظة لقانا (ارْفضت) حبي بشدّة


راحت أوقات النَّدم يا ربي أسألك الخلايف
تلطف بقلبٍ وقف له كل شي وصار ضدّه

والله إني رغم حبي للهوى أصبحت عايف
لكن أشعر إن قلبي للأسف لازال وِدّه



سُهيل