اولا الف مبروك الزواج

عزيزتي لا محسودة ولا شي

الزواج شراكة عمر وشي طبيعي تطبخين وتنظفين وتغسلين
صارت لك حياة مستقلة انتي وزوجك .
وليه الشكاوي لامك ولخواتك . اسرار البيت ماتطلع برا
اذا فيه شي تكلمي معه بس اختاري الوقت المناسب

صدقت العرب حين قالت:

قطعت جهيزة قول كل خطيب . أختي مسك الغلا كفت ووفت وما كان في داع اضيف شي ولكن من باب الواحد يفضفض .



وين الحسد يا بنت ؟ ترا العروس تختلف عن مملكة فارس وفانوس علاء الدين . تبادل احترام ومشاركة ماهي آمرك مولاتي .

وبعدين ترا الزواج كذا . الواحد يبدأ يعامل زوجته بحذر ولطافه ثم يفهمها ثم تمون عليه ويمون عليها ثم يحلون مشاكلهم مع بعض . إنتي ما شاء الله عاد ما برد الأكل قدك تشتكي عند أمك . لا تستعجلي يا بنت ترا بهذا الوضع تعطينا إشارة إنك منتي مستعدة لإكمال الزواج وماخذه فكره غلط عن الزواج .

استهدي بالله ترا لو تركبي راسك بيعاندك ويكرهك بعيشتك الرجال ما قصر وإنتِ تبغين كل شيء بدون مجهود .

انتِ فاجئي الرجال بشي طيب وراح يجي معك سمن وعسل

الله يهديش بس وش هالعجله؟

لك شهرين وتقولين لسّا ماحملت؟
سلامات وش ذا الكلام ترى بدري تو الناس
انتي في بداية الطريق وعلى طول نشرتي غسيلكم برّا
استهدي بالله وخلي كل شي بينك وبين زوجك لاتدخلين احد بينكم
واذا هو يحبك مثل ماتقولين راح تتعدل الامور

ربي يهديك