مساء الخير عليكم جميعاً
ماقدر اقول انها مشكلة كبيرة
بس صارت تسبب لي حرج مع الخلق
ماعندي قدرة على الكلام الصوتي بالمكالمات
ماعرف اوصف لكم طبيعة هالشي وهل هو مشكلة او لا
من سنوات جوالي صامت مارد ولا على اتصال
ممكن اكتب مجلدات بالواتس
بس كلام ونقاش مالي فيه حتى سوال عن الحال مالي خِلق
احس الموضوع والسالفه السخيفة ذي سببت لي ازمه سخيفه مع مجتمعي
ليش ماتردين ليش ماتتصلين
وكاني تحسنت لفتره بسيطه وصرت اتحاكا مع شخص واحد فقط ولفتره ايضاً قصيرة وانتهت ورجعت نفس ماانانفس طبعي
وللمعلوميه انا ماكنت كذا ابداً انا من الناس اللي كنت اسولف واطقطق من صغري
لي الان قرابة 3 سنوات ع هالحال حتى محادثات الواتس مارد مالي خِلق
وهالشي اقحمني في حرج مع مجتمعي والسنة الاخيرة معاد اطلع اجتماع العايلة من كثرة العتب والتشره بس يعتبون عليا ويتشرهون
اشعر بانهيار نفسي مابي احاكي احد صوت خاصة عماتي وقريباتي محد متفهم وضعي وحتى انا موب فاهمه الفترة اللي اعيشها
هل هو مرض نفسي اتعالج ؟!
ولا طبيعتي ووصلت للنضج الفكري
للعلم موظفة واختلط بكافة طبقات المجتمع وجهاً لوجه
ولبقة جداً في الردود وكلامي حلو ومرتب
بس لاتقولون ردي على قروبات الواتس ولا ردي على اتصال
ولا اختلطي بزميلات العمل واخرجي معهم شاليه
مالي خِلق
حتى قريباتي معاد ابي اخرج معهم يادوب بالعيد واحسني على اعصابي بس ابي ارجع لبيتنا
وعماتي بالعيد اضغط على اعصابي وارد على اتصالاتهم وكان احد يصفقني وانا ارد بينما انا هنا بكتب لكم مجلدات
قبل ثلاث سنوات مايفوتني ولاطلعه ولاشاليه ولا كوفي ولاملاهي اطلع مع الزميلات مع الصديقات مع الاهل حتى عروس ماافوت ولا عرس ولامناسبه ولمن اروح انبسط من جد وافرح من جد
الان لا كل هالمشاعر تغيرت بس اقدر اجي ع نفسي واجبرها احضر لمناسبة
بس المكالمات لا

يلا عطوني رأيكم ياحلوين كيف اخرج من هالحالة برغم اني مرتاحه مابي اخرج منها بس يوم يلوموني اللي حولي ارجع افكر فيها واحس وصلت مرحلة النضج اللي مابي فيها الخلق مكتفية بنفسي
للعلم حتى صديقاتي شبه قطعتهم وماعندي صداقات ابداً حتى بعالم النت .
معليش كثرت حكي السموحه
احبكم