مساء الورد والياسمين عليكم
اولا بطلب منكم طلب لاتدعون علي ولا على اهلي طلبت المساعدة منكم ومشكلتي هي تبتدي بأَن ابوي توفى الله يرحمه وراتبه قسموه علينا انا واختي المتوسطه لان مو متزوجات نحن لكن اختي الكبيره تشتغل وأخذت فلوسنا الي تنزل لنا وماتعطينا منهم شي وحاول اخوي يحول الفلوس لحسابه لكن مارضو يحولون على حسابه وطلب منهم يقطع عنا الفلوس لان ماَستفيدين منهم شي نحن واخذت اختي الكبيره فلوس امي واخوي الي مجمعينها كل هاي السنوات من شغل امي و جمعيات اخوي عشان يزوج بعد مدري شلون طريقتها بصراحه هي تنتقم لان اتوقع مارضو يزوجونها او مادري ليش صراحه واخذت فلوس جدتي بعد لكن بعد فتره تمو اهاي يكلمونها بهدوء وتعطينا من راتبها اما اسلوب الصرلخ تعاند اكثر وبغيت انا اتعلم سواقه بالاول عطتني المبلغ بس احتجناه وصرفناه ووعدتني تعطيني وولان من ٢٠١٩ وماعطتني اياه اغار وودي اتعلم بس ماقدر اضغط ع امي واخوي وامي تخاف علي ماتبيني اتعلم يمكن مادري صراحه ترددتاعرض مشاكلي هنا للناس بس من حيرتي والله عاجزه اسوي شي واحاول ادور شغل لكن للاسغ ماوجدت شغل وودي اشتغل زي رفيقاتي واشتري سياره واكمل دراسات عليا لكن للاسف هذا الي صار والكل يعايرني يفكروني انا عاجزه ومادوي اتعلم شي وانت من داخلي اتقطع من الالم والتعب النفسي مايعوفون ظروفي ولا اريد اطلع اسرار بيتنا وموجبوره اطلع الاسرار وابرر وكل يوم افكر انتحر واخلص من هالدنيا وكل ماشوف قريباتي واهلي الي كمل دراسه والي يسوق والي اشترى سياره اغار واتمنه اتزوج بس عشان اطلع من هالحاله بس ماحد تقدم لي وسبحان الله الله يعطي اختي دروس ومواقف وحته مرضت لكن لا حياه لمن تنادي وهي تعطينا لما نطلبها فلوس واذا رحنا مكان تدفع عنا لكن فلوسي من ورث ابوي لو مجمعتهم كان حالي الان افضل ابوي توفى ب ٢٠٠٨ واختي عطت نص مبالغ اخوي رجعتهم له بعد التهديد مو كلهم وكل مايطلبها شي تخاف منه وتعطيه اذا نقصت فلوسه اما نحن البنات نحن مانريد نزعلها تبقى اختنا ونحترمها ومانريد المشاكل نسكت عنها وماودنا نشتكي عليها مانريد الفضائح هي اذا طلبناها فلوس او بالعيد تعطينا ٥٠ ريال من ذات نفسها بس ترا الفلوس تروح احيانا نحتاج شي او نشتري بهم شي محتاره شسوي والله انا انسانه ماحب المشاكل ابدا ولا اريد اخسر اختي عشان فلوس او اسبب مشاكل كبيره احيانا تجيني وساوس شيطانيه ان اقتلها بس اتعوذ من ابليس ساعه غضب وصرت ماقول لها اريد فلوس ماحب احد يذلني حته تجمعات ماصرت اروح مع رفيقاتي اذا حجزو استراحه او شي اتمنه تعطوني حل تعبت جدا من وضعي عمري راح وما انجزت شي ولا سويت شي حق نفسي خلصت دراستي الجامعيه وهي كانت تدفع مصاريف اجار السكن وباقي مصاريف البيت امي واخوي يساعد امي للمصاريف وماقدر اضغط عليهم لان اخوي ان شاء الله راح يتزوج ويتدوب راتبه يكفيه له ولمصاريف الزواج وهو يشتغل بمحافظه بعيد عننا مايتواجد كثير الا باجازته انا استحي اطلبهم فما ادري الان هل انا غلطانه ونحن غلطانيين مادري شو الحل وفكرت اسوي مشروع بس كله يرادله مصاريف ويحتاج سياره وووو وامور كثيره كلها اموري متعسره شورو علي شسوي والله تعبت تعبت تعبت بشكل فضيع وصحتي ومزاجي خلاص حياتي اختربت حاسه براجه لان تشجعت وكتبت لكم وفضفضت وطلعت الي بقلبي