|
ياليــل !! … حصرية * * مدام شعاع نور الشمس غادي …….. ياليل إترك قمرك بأي وادي ..! متى يا ليلي أنـوار الشـوارع …….. تنام .. وما تخاشرني مدادي ؟ أنا مشتاق يا هالليل أشوفك ……… مثل ما الله خلقك أسود وهادي ياليلي وأنت مثل الظن داكن ……… وغامض لا تأملتك و بادي ! مثل منت بعيون اللي ينامك ……… من السلوة و قل الهم .. عادي هنيّك .. وانت سرٍ ما تكشّف ………. وستــرٍ للخلايق يا رمــادي وهنيّك وانت تسهّر عاشقينك ………. وتجمعهم ولا حتى تنادي !! إذا جمّعتهم قالوا يا طيبك ……….. وصرت الأجودي ترف الأيادي وإذا فرقتهم قالوا يا طولك ……….. مع إنك كل يوم تسوق حادي وإذا كبروا عن الطيش وزمانه ……….. تصير بعينهم راعـي مبادي ولكن مـاحـدٍ يفهمك مثـلي ……….. وأنا مرهي لك غناي وسهادي قصيدي وآخر علومي وهمّي ……….. وضحكي وأطيب القطف بحصادي ياليلي كل عام وهم بـوادي ……….. وأنا وياك ياليلي بــ وادي ! * * |
وإذا كبروا عن الطيش وزمانه ……….. تصير بعينهم راعـي مبادي ولكن مـاحـدٍ يفهمك مثـلي ……….. وأنا مرهي لك غناي وسهادي قصيدي وآخر علومي وهمّي ……….. وضحكي وأطيب القطف بحصادي ياليلي كل عام وهم بـوادي ……….. وأنا وياك ياليلي بــ وادي ! مناجاة وحديث صادق بين تفاصيل الارواح العابرة في ظلام الليل تنقلت بين صور الحياة بشكل سلسل جعل الليل كما انت جميلاً بـ سردٍ خفيف جعل النص يعبر فينا كـ نسيم هاديء أنا فداهم ابدعت |
الله الله عليك ترانيم حرفك الجميل وعباراتك الراقيه راقة لي كثيرأ وطاب مكوثي بين احضان سطورك الجميله مستمتعأ لروحك السعاده |
إذا جمّعتهم قالوا يا طيبك ……….. وصرت الأجودي ترف الأيادي وإذا فرقتهم قالوا يا طولك ……….. مع إنك كل يوم تسوق حادي تصوير رائع والنص شبعان وصف وصور شاعرية هنيْ للمنتدى بهذا الشاعر الفخم |
| الساعة الآن 08:09 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا