والله إن القلب زاهد .. من كثر ما شاف خايف
بس لا زالت مشاعر .. للهوى دايم تردّه


من كثر ما شفت في دنياي صار القلب عايف
ما يبي يدخل علاقة حب مجنونة تهدّه


ودي أضرب عن دروب العشق وأعلنها نكايف
بس قلبي مِنْ عرفته يختلط مزحه بجِدّه


مرَّه يبيع الهوى ويقول وش لي بالكلايف
ومرةٍ ألقاه ذايب في الهوى منباح سدّه


يا فؤادي والمشاعر صعب نعسفها عسايف
والقلوب اللي تصدك .. صدةٍ من غير ردَّة


ما نبي حمل الثقيلة خلها تمشي خفايف
من رحل خضرا طريقه ومن لفى لك لا تصدّه


من طلب ريفك وجا لك يا هلا بأغلى الولايف
ومن يجنبك عنك جنب عَنْه لو وقته يحدّه


لا تدور في البشر إنسان كامل بالوصايف
كل شخص ولك عليه أخلاق لِهْ وأخلاق ضدّه


ارضى يا قلبي بمقسومك على الله الخلايف
والحياة بطبعها ما بين لين وبين شدة


ليت من يلقى وليفه ما نبي كثر الحسايف
قلب واحد تكتفي به يمنحك شخصٍ تودَّه





سُهيل

هو تحليق بلا أجنحة وإن كان بعضه قاس ومؤلم
فلذة الحب تكمن في ألمه،..
هذا إن كان حقيقيا لا يشبه تفاهات هذا الزمن الرديء

أخي الشاعر المبدع " سهيل"
سعيدة بأن أكون أول العابرين
أحسنت الاختيار والطرح
فالحب هبة الله إلى الإنسانية الحقة
وطريق للسعادة والسمو
دمت بألق وإبداع
يختم مع تقييمي ..

الشاعر المتميزة جدا

صديقة الحرف ياسمين

كل الشكر والتقدير لك ولمرورك

تحياتي وامتناني

هلا بك بدر

كل الشكر لمرورك

تحياتي