يا حمس قلبي .. ويا حمسه
على اللي جاء حبهم . لمسة
ساعة وضع خمسي بخمسه
حسيت بالنار ..... تشويني

زاد البلا ضحكة .... وبسمة
من ثغرها اللي بدا ... رسمه
متى الغلا يطعم .... الدسمة
اضوي عليها ....... وترويني

الهرجة درجة تبي ... خرجة
تبي الخوي قاطع ... الفرجة
ناصل وليف سكن .... مرجه
شوف الغوالي ..... يسليني

ودي اشكي له بلا ..... حالي
اشكي له عشقي ... وولوالي
في شوفته ينشرح ..... بالي
من ناظره نحكل .... العيني

عساها تقدر لنا ........ الجية
يلطف بحي عشق ...... حيه
واقول له يا بعد ....... حيه
وش عندك اليوم . . تعطيني

يمكن تحيي ..... وانا احيي
ثم تنشدن كيفي ...... وزيي
واقول له دونك ....... يديي
ترجف من الخوف .. هديني

هدوني يالترف ...... هدوني
ودي اسولف على .... هوني
في صدري نفثات وحزوني
والشوق يمك ........ معنيني

وان قالت ابشر تبي . حاجة
مع ضحكته يرفع .. احجاجة
والله لابوسه على ...... تاجه
واقول له سدد ....... الديني

دين الهوى يالغلا ...... فلانة
من عقبكم جاني .... سجانة
يطلب حقوق لها ...... خانة
وانت خبير ....... القوانيني


القارظ العنزي