|
والان دعني وباقي بيت لم يذكر عليه من بصّمتي و حقوق فكرية لو كل ما هو على بالي بدأ يُنشر يمكن يسبب بداية حرب أهلية ! لا يا زمان التقدم يا الزمن الاغبر اخلاق بعض البشر تأتي تجارية لكنّ قلت اتغاضى دون ما اذكر بعض الحقائق تثير أفكار منسية !! |
ماسهرت الليل أناظر للنجوم ولا سهرته لجل اخاوي للارق غصب عني اسهره فقد وهموم والنتيجه نوم عيني انسرق |
للشعر أول ولا له آخر وانتي آخر هالشعر مع اوله ياااااه يا هذا القصيد الزاخر في وصوفك ينتشى حرف الوله علميني كيف فرحي الفاخر ؟! في حضورك يستحق ان اوصله يحق لي أكون بك متفاخر يا بسمة الكون البهي بأكمله صدقيني لم أكن له ذاخر الشعور اللي بشوفك اغزله آتبسم بسمة اللي ساخر لكل حزنٍ بي وجودك يقتله وكان تبغيها كذا من الآخر والله انك في صفاتك مذهله |
ومديت للصبح احزاني و آلامي و استرسل الغيم في بوحي وبكيته يا غصة الغيم هلي فوق احلامي اروى تراب شعور اللي تمنيته ما كان هذا الحنين الا من انسامي يا وحشة الصدر لو بالغصب ضميته |
موعد الصبح قرب في رجى لحظتك والمشاعر تنادي والقصايد شعور علمي الصبح منك لو نسى ضحكتك و ان روحي لوصلك تنتظر لك دهور كل غيمة تمنى ليتها غيمتك ما تفرقك لحظة دام قربك سرور وكل بسمة تمنى ليتها بسمتك من عرف منك بسمه عاش عمره بنور |
الشمس مدت من سنها نورها نور و تنفس الصبح البهي الكتابة و أخضر إحساسي بساتين وزهور و عرفت كيف يكون معنى السحابه نسمة هوى بارد مع صوت عصفور مع صدق إحساس الوله و انسكابه |
| الساعة الآن 08:14 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا