|
اقتباس:
اخي الكريم .. كثير نساء قد يكن مكتفيات ماديا ولكن يردن ان يكن امهات يردن اطفال .. ابحث وحتما ستجد من تخاف الله وتريد الاستقرار والزوج والذرية الصالحة .. ابحث في معارفك اقاربك وابحث ايضا بغير مدينتك .. اهم شي ان تخاف الله فيمن ستكون زوجة لك .. الاحترام ثم الاحترام والاخلاق العالية والصلاة بخشوع وصدق وقلب لا يعرف الاثام والمنكرات .. البيوت كثر وبها بنات يردن الزواج لتكوين اسرة |
! ابحث عن من وصفها صلى اله عليه وسلم … عن أبي هريرة رضي الله عنه عن النبي صلى الله عليه وسلم قال: (تُنكح المرأة لأربع: لمالها، ولحسبها، ولجمالها، ولدينها، فاظفر بذات الدين تَرِبَت يداك) |
في ردود تجبرني أرد وأنا مابي أرد كل شوي بس بوضح شغلة :24: يمكن تكون متدينة لكن عصبية وأنت ما تحب العصبية هل راح تعجبك ؟ وتكملون مع بعض ! يمكن العكس تكون متدينة لكن هادية ومالها حس ولا تتكلم ولا تعبر وتبيك تفهمها وهي ساكتة وكذا ومسوية غامضة وتحيرك وأنت ما تحب اللي ما تتكلم وتعبر ولا يعجبك الغموض هل راح تعجبك ؟ وهل راح تكملون مع بعض ! ولو أنت مو متدين كثير وهي عندها تشدد بالدين هل راح تتفقون مع بعض وتكلمون مع بعض ؟ الزبدة اختار المتدينة اللي تناسبك وشخصيتها تناسب شخصيتك وذوقك وفكرك اسأل عنها زين لا تختار وأنت مغمض وبعدين تندم وقبلها أعرف نفسك وذوقك وغالباً نحن نختار اللي صفاته تذكرنا بأكثر شخص قريب منا وأكثر شخص يفهم علينا سواء كان هذا الشخص من الأصدقاء أو من الأهل والأقارب عشان كذا البعض يبحث عن وحدة تشبه أمه أو جدته أو أخته |
أفضل حرمة هي اللي تهتم بعياله وتربيهم تربية صحيحة وتهتم بأمورهم...لكن هذا في علم الغيب لأن الرجل مايعرف هل إذا جابت عيال راح تهتم فيهم ولا لا ... شوفوا الآن الحريم ...تلقاها رامية الجوال في يد ولدها الصغير ...وبرضو تلقاها شايفة ولدها قدام الشاشة طول وقته ... ومايهمها هذا كله ...أهم شي انه ساكت من وجهة نظرها ...!! |
عليكم السلام ورحمة الله وبركاته صراحةً وبشدة أنت فيك شيء عشان يرفضك اربعين بيت (سالفة مايبغن زواج مانعممها عليهن جميعا ) او لازم تروح شيخ يقرا عليك ممكن مسوى لك عمل حفظك الله من كل مكروه اللحين البيوت مليانه وكلُ يبي الستر لبناته او اخواته ,,,الخ ، أنت اخطب لنفسك لا شفت العائلة المناسبة والرجال اذا شافو الكفو خطبوه لبنتهم او اختهم بطريقة غير مباشرة اذا انت اجتماعي وامورك طيبة واخلاقك زينة صدقني انك تلقى سواء من جماعتك او من غيرها ياخي مو شرط بنت دوّر ارملة او مطلقة او بنت سنها مقارب لسنك والزواج يبغى له صبر لا تتردد من تجربة سابقة وفيه من الرجال والنساء من يسعى لتوفيق راسين في الحلال تجد حاجتك عندهم وفقك الله لما يحبه ويرضاه |
.. وعليكم السلام ورحمة الله وبركاته اول شي انصحك يا صاحب الموضوع لا تلوث نظرك وافكارك باللي يقولون لك افكار نسويه ومدري ايش حاليا اي وحده تعرف حقوقها صارت نسويه البعض وده ترجع ايام الجاهليه لازم بنظرهم المراه تبقى طول حياتها تحت رحمة الرجل الاستقلال المادي مرعب وكابوس لبعض ابناء ادم ما علينا ثاني شي فعلا مو طبيعي عدد البيوت اللي ذكرته احتمال كبير تخوف البنات من طلاقك لازم اذا جيت تخطب تقول سبب طلاقك بوضوح واسعى ودور حتى لو والدتك الله يحفظها مالها معارف شوف معارفك انت اصحابك معارفك بالدوام والاهم تزوج وحده قريبه من عمرك حتى تعيش مرتاح الله يرزقك باللي تسعدك يارب .. |
| الساعة الآن 02:34 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا