ابتسامتي سر عذابي
 

ابتسامتي وضحكتي سر عذابي وشقائي :

انا بطبعي ابتسم اي مكان اروحله مثلا اذا حد كلمني سواء امرأه او رجل من باب اللطف واحيانا من الاحراج اغطي الموضوع بابتسامه اذكر مره رحت لمحل كنت ادور عطر معين وقال لي صاحب المحل اساعدك بشي انا ضحكت قلت لا شكرا خلاص ورحت كذا طبعي ابتسم واضحك وهم يفهمون غلط ان هذي حق رجال وعلاقات وتدور رجال وتدور سبب عشان تكلمهم حتى تعرضت للمعاكسات والرجال يتقربو مني وحاولو يبنو علاقات وياي بسبب ضحكي وابتسامتي احاول امسك نفسي ماقدرت كل مكان حتى بالدواير الحكوميه اي مكان يخطر لكم بعدين اندم واعاتب نفسي ليش ضحكت ليش ابتسمت كان مفروض اسكت بيفهمني غلط ليش حطيت عيني بعينه عيب مفروض انزل عيني مع ان ربي يشهد مو قصدي شيء كيف اكون رزه وهيبه وما ابتسم واضحك الا للضروره

الثُقل صَنّعه

تجنبي الإحتكاك أو التواصل مع الغرباء بدون وجود مَحرم وستنحل مشكلتك تلقائياً

يازبده لاتميعين وإن معتي لاتسيحين

حاولي تجمدي شوي

الابتسامة في الاصل مشروعة دينيا في حق الرجال مع االرجال والنساء مع لنساء
اما بالنسبة لوضعك فتعتبر حيلة نفسية نتيجة لقلة الثقة بالنفس وتعتبر حيلة دفاعية
حاولي تطورين شخصيتك

مساء الفجل ياحلوة :icon10:


تغطي ياعيني :210: فائدة الغطاء انهم مايدرون انت مكشرة ولا فاطسة :x30: والبسي كمامة لو ما تتغطي

ولا جاتك ضحكة اكتميها وديري ظهرك على طول

حطي مسافة بينك وبين اي غريب بالشارع وبالمحلات

مسافة متر او متر ونص ولا تاخذي وتعطي بارك الله فيك :x30:

ولو حسيتي انك بسطتي بسطة المحمادي ديري ظهرك واجري :icon10:


كنت زيك بس فرق الغطاء والمسافات بتعطي نتائج مختلقة كليا :MonTaseR_98:



لا تكرهي حالك ولا تتعقدي لانه شوي شوي احوال الدنيا تتكفل انها تطير هالضحكات :رحيق::icon10:

كلنا مرات ننحرج وكل حد ردة فعله غير

وترا الناس هذول تفكيرهم غلط وما يفهمون طنشيهم
لو يفهمون بيعرفون أنه مو قصدك شي
وأن ضحكك من الإحراج فقط

حتى في ناس من الإحراج
يصيرون عصبيين أو قاسيين
ويعطون إنطباع أنهم مغرورين وشايفين نفسهم
يعني يتصرفون عكس أسلوبهم الطبيعي

مثل بعض الناس هنا بالمنتدى > مو أنا :110:

وبعضهم يصيرون متبلدين بسبب الإحراج > هذي أنا

بس تكون حيلة دفاعية مثل ما قال الأخ متعب