مشكلة لصديقتي .. أحتاج رأيكم .
 

السلام عليكم ورحمة الله وبركاته ..
صديقتي خريجة من سنتين ، اهلها شويه متشددين ، للخروج مع الصديقات ممنوع ، للخروج للعمل ممنوع ، حادينها لوظيفه تعليميه فقط ، والوظائف التعليميه ماتجي بسهوله برغم درجتها حلوه في قياس، وارسلت السيفي على شركات وانقبلت محاسبه في محلات تجميل نسائيه ، محاسبه في مستشفى كبير ، طبعا اهلها رفضو حتى النقاش في الموضوع ، من وجهة نظرهم بنتنا ماتشتغل كاشيره ، ايش ناقصك ؟ (كلام الاب) ، ماربيناك وكبرناك عشان تشتغلين كاشيره (كلام الام )، البنت تمر بملل قاتل ، تقضي الوقت نوم ومسلسلات وروايات ، ففكرت انها تسوق وطلبت سياره وجابو لها سياره وتدربت وتعرف تسوق ، بس تخاف من الشارع والزحمه ترتبك ، وماقدرت تخرج للشارع من خوفها ، وتسمع كلام تجريح من الاهل انها جبانه وخوافه وماتقدر تسوق ، تبغى اقتراحاتكم وحلولكم كيف تخرج من الملل بس ناحية طريق جيد ، بشي يرضي الوالدين ويشغلها ويخرجها من الفراغ ، أقترحو فكرة مشروع غير مكرر صغير يشغلها ويسليها من البيت لان الوالدين رافضين خروجها ، او طريقه لإقناع الوالدين للخروج للعمل ، وشكرا لكم مقدما.

عليكم السلام ورحمة الله وبركاته

نحن الآن في زمن كثرت فيه الفتن والبعد عن الله وعلى الأرجح والعلم عند الله بأنه آخر الزمن بحكم أن علامات الساعه الصغرى المشار لها قد ظهرت ، لهذا مثل هذا الوقت بالذات اللجوء لله ورسوله قبل يوم البغته الذي لا تنفع فيه توبه وإستغفار أو صوم وصلاه أو أساسيات ومكملات أو سخريه وتبادل ضحكات أو حتى بحث عن مسليات .

لذلك أختي ضعي صوب عينيك أولاً وأخيراً مخافة الله في آمور دنياك قبل أن يفوت الفوت وينفع الصوت ، ثم تطمني كل أمور حياتك ستأخذ مجراها الصحيح الذي تتمنيه وأفضل .

..






وعليكم السلام ورحمة الله وبركاته

ما فهمت ؟ كيف ما يبغونها تخرج وتسوق ومعها سياره !!

ايش فيها الكاشيره ؟ رزق حلال اهم شي الحمدلله

اهلها معقدين كل شي الله يفرجها عليها

وضعها صعب للأمانه ان شاء الله البقيه يفيدونك

ولو اني للان مستغربه كيف ما يفضلون خروجها من البيت وبنفس الوقت اعطوها سياره !







..

وعليكم السلام ورحمة الله وبركاته

صديقتك هذي مثلي
هي مو جبانة بس ما تعودت

بالهزمن لو تبي تطلع لازم تحافظ على أذكارها
لأن ما تدري شنو ممكن يصير ومين ممكن تصادف

بس المشروع أحسن لها

من الأفكار اللي جت في بالي
مشروع الطباعة على الأكواب والتيشرتات
إذا عندها وقت ولها خلق ل هالشغلة
تختار أي شي على ذوقها وتطبعه وتبيعه
بس هالشي يعتمد على الذوق
وممكن تسوي حركة وفكرة جديدة بالطباعة


وإذا تعرف ترسم ممكن ترسم وتطبع رسوماتها على الأشياء

بس أهم شي تبعد عن طباعة صور ذوات الأرواح لأن ما يجوز

عليكم االسلام

االمدارس االاهليه االقبول فيهاا ااقل شرووط
من االحكوميه تقدم وتجررب حظهاا
ولا تقول بنفسهاا اقل من مستوااي
تتوظف حتى يسهل الله اامررها
وباالامكان تكلم عمهاا او خاالها يقنعواا واالديها
بوظيفهه لاتخالف شرع الله
الله يوفقهاا

وعليكم السلام والرحمه
اهم شي رضى والدينها هذا اللي اشوف
ومن بعدها كل توافيق الكون راح تجيها
وشري شوي اكيد راح تتغير نظرتهم
بشكل معقول
ترى اهلي كذا
بس سياره عادي
والسياره اكيد ضروره الان

ما احس هناك مشكله كبيره
تقدر تشتغل على حالها حتى وهي بالبيت
تدخل دورات اون لاين ..!
تذاكر ستيب ان كان للحين ما اخذته راح يخدمها بالمستقبل