مع السلامة ربي معك ياحبيبي
يستر عليك الله يامن كنت غالي

هذا نصيبك يوم هذا نصيبي
يوم إننا على النوى مانبالي

قد كنت من قلبي وعيني قريبي
والحين فرقنا الزمن ... ويل حالي

إلي أحبه راح وأصبح غريبي
والدمع من فرقاه نازل وسالي

غالي ولكنه تركني عطيبي
وأصبح فؤاده بعدنا شبه خالي

والله جرحي مانفع له طبيبي
لو كنت بدفع له حلالي ومالي

الله معك يازين عقب المغيبي
والله يعوضني على إللي مضى لي