أنا معك من أول الضِّد للضد
أبعثر أشواقك وأعشق جنونك


أبادلك ذاك الغلا بأصدق الوِّد
واتوه واسرح في محاسن عيونك


لين الخجل لونه تمادى على الخد
واغرق تفاصيلك وِ وَرَّد بِلَوْنك


اوطاحت النظرة على مُرْهَف القد
يوم يتثنى يشتكي من متونك


خصرٍ نحيلٍ بين ضدين ممتد
تناقضك كان السبب في فتونك


أندى من الراحة وأجمل من الورد
والشعر يتمايل يظلل غصونك


من قبل أشوفك كان كل الغلا برد
ومن يوم شفتك طحت داخل حصونك


أسير حب إن كان لازم ولا بُد
عاشق مُحال يعيش لحظة بدونك


قالت تعوّذ .. قلت عايذ من البُعد
طامع بقربك لو سجين بسجونك


خفِّي علي أخاف من سرعة الرد
أخاف من كِلْمَة تفجر سكونك


قالت أخاف تجازي الوِد بالصد
وقلبٍ يحبك يشتكي من طعونك


قلت الغلا في القلب زايد عن الحد
قالت جنوني فيك يغلب ظنونك




سُهيل

هلا بهدى الوزير نورت

صح بدنك وسلم الذوق والذائقة

وكل الشكر لجمال مرورك

تحياتي

ما هذا الجنون ياسهيل

صح لسانك

أبيات جدا مختلفة

تسلم ويسلم إحساسك

يقولون الجنون فنون يا جرير

صح بدنك ياغالي

وحضورك مختلف

آه ياأنفاس الشجون
من هذا الجنون ..
تحية تليق على ترجمة
هذا الجنون المحبب
في قصيدة جميلة
إجلالي وتقديري
وكمشة ياسمين تليق
مع ختمي وتقييمي