إللي عطتني من محبتها كثير
وما أبد منّت عليّ في عطاها

يارب تعطيها من الرزق الوفير
غاليه عندي وأنا أعشق هواها

أميرت(ن) متواضعه وحبها غير
وفيت(ن) يالله ما أجمل وفاها

أصبحت فيها وفي هواها أسير
وأصبحت مقدر أتونس بلاها

والعقل فيها عايش بوسط تفكير
مافكر العاشق أبد في سواها

ياغاليه مالي أنا عنك تصبير
وإنتي غلا روحي ونفسي دواها

لك من خفوقي ياغلا ألف تقدير
ولك من عيوني ياعيوني ضياها

ماعند من حبك على الحب تبرير
الله عطاني محبتك وابتداها

أسوق لك عمري بلا أي تقصير
تفداك روح(ن) عاشقتك برضاها

في حبها بيخونني كل تعبير
ياليتني أقدر أبين غلاها

أحبها ياناس وحبي لها غير
محد(ن) بهذا الكون ياصل سماها

الخير ... هي الخير والخير والخير
ماشفت أحد اقدر أحبه سواها

شكرا لتواجدك ودعواتك الطيبه اخي الغالي

ربي يسعدك ويوفقك

ومن غير الياسمين يسعد القلب ويبهجه تواجدك

كلماتي تجملت بتواجدك

فشكرا لك واسعدك الله ووفقك اينما كنتي

بوركتي يالغاليه