ابي حل سريع صرت اخاف
 

‏السلام عليكم انا فتاه اروح لمركز كل اسبوع بيني وبينهم عقد لمده 6شهور المهم من اول يوم دخلت فيه المركز كان فيه سعوديين ولكن اغلبهم من الجنسيه الفلبينيه نساء ورجال وعمال النظافه كذلك من هذه الجنسيه وانا امشي بالصدفه بحسن نيه جات عيني بعين احد عمال النظافه بالمركز احسبه بنت من النعومه والشكل سبحان الله طلع ولد شاب تجاهلت تماما ومشيت نظرتي كانت عفويه وعاديه أصلا بعد اسبوعين لاحظت انه يراقبني بدون ماادري ويشوف وين انا فيه بعدها صار يحاول يلفت انتباهي يمشي من عندي كذا مره ويعلي صوته او يسبقني ويمشي قدامي بنفس الممر تصرفات غريبه استغربت وتجاهلت والله طناااش صرت اطلع برا اروح لمحل جنب المركز ابي افتك لان اغلب وقتي بصاله النساء الصغيره لين يجي دوري صار اذا رجعت من المحل الي جنب المركز يصير واقف كأنه ينتظر شيء عند الباب ويطالع فيني كان متوتر وحركته سريعه شيء مو طبيعي حجابي ساتر والحمدلله انا متجاهلته تماما والله العظيم مااناظر حتى وأصد عشان يفهم لكن تمادى صار يجلس بالكراسي القريبه من صاله النساء ويجلس طول الوقت لين اطلع صار عمال النظافه الي معه يطالعون فيني ويضحكون له! اول مره يصير لي هالموقف الغريب! انا صرت اخاف على نفسي وش يبي وش الحل معه؟ كيف أتعامل مع ذا المواقف أنا صايره اخاف و بدأ يضايقني مو مرتاحه مراقبني بشكل يخوف ويجي حولي الوضع يخوف ابي حللل ؟بدون ماتجي مشكله كبيره ابي احلها بهدوء ويبتعد أنا في هم صرت أشيل هم في كل مره اروح مقدر اترك المركز قد دفعت ووقعت على العقد خلاص ساعدوني تكفووون الله يسعدكم يارب دنيا وآخره ويفرجها عليكم

أبحثي عن مركز آخر والله يعوضك في الفلوس اللي دفعيتها

أما لو ضليتي في هذا المركز سيظل الفلبيني يتتبعك ولن يهدأ له بالاً حتى تستجيبي له

لأن من المعروف من قديم الزمان بآن أي رجل يضع فتاه في راسه لابد يجيبها حتى لو راكبها جني عنادي أعتاد على الرفض والعناد ، وأنا متأكد بل وأجزم كذلك راح يجيبك إن إستمريتي تترددين على المركز الذي يعمل فيه .

عموماً لا تفكرين بأن الفلبيني يرغب بالحلال
بل كل ما يرغب به هو معاشرتك بالحرام فقط

كلمي ادارة المركز كلمي اقرب ادارية لك عن الموقف

او عادي قوي نفسك ياختي وخشني صوتك واعطيه نظرة قاسية قولي له ليه جالس هنا بطريق الصالة النسائية؟ لو سمحت ابعد

ولا تبيني انك خايفة او خجلانة كل مابينتي كذا كل ما تطاول عليكي

بما انك تدخلي بمكان مختلط قوي نفسك ياختي ولا تسكتي اديه على راسه انتبهي لنظراتك تعلمي كيف تطالعي بقوة :5:

إذا فيه كميرات بالمحل بلغي عليه تحرش

هذا الشخص في مكان عام مختلط
ومن الطبيعي يعجب بفتاه في محاولة منه لإصطيادها لأنه من المؤكد معتاد للمحاوله مع أخريات
وسواً كان اجنبي أو عربي أو حتى من بني جلدتك سيقوم بما قام به مادام لا يوجد رادع يمنعه

ولكن أنا أقولها وأعيدها وأكررها
أقسم بالله العظيم لو تستمرين ساكته على تصرفه بدون أن تبحثي عن حل يوقفه سيجيب راسك غصباً عن إرادتك .